04:21 26 Бугу 2019
Түз эфир
  • USD69.8500
  • EUR78.1272
  • RUB1.0811
Кыргызстандагы коммерциялык банктардын биринин аймактагы бөлүмүнүн жетекчиси Мирлан Малабек уулу
© Sputnik / Асель Акматалиева

Банк адиси картаны жоготуп алганда эмне кылуу керектигин айтты

Радио
Кыскача шилтеме алуу
100 0 0

Кыргызстандагы коммерциялык банктардын биринин аймактагы бөлүмүнүн жетекчиси Мирлан Малабек уулу кардарлар банктык картасын жоготуп алгандан кийинки алгачкы аракеттери тууралуу айтып берди.

Банк картасын жоготуп же сырдык сөзүңүздү унутуп калсаңыз, дароо банктын кардарлар менен байланыш бөлүмүнө же процессинг бөлүмүнө чалуу керек. Бул тууралуу Мирлан Малабек уулу Sputnik Кыргызстан радиосунун "Ачык кеп" программасында маек куруп жатып билдирди.

Анын айтымында, жогоруда көрсөтүлгөн бөлүмдөрдүн телефон номерлерин билбеген учурда банктын кардарларды күнү-түнү тейлеген кызматкерлерине чалуу зарыл.

"Картаңызды жоготуп алганыңызды байкасаңыз, дароо банкка байланышка чыгыңыз. Тиешелүү операциялардан кийин сиздин карта блоктолуп калат. Картаңыз калыбына келтирилгенче ичиндеги каражат керек болсо, банктын өзүнө барып паспортуңуз аркылуу чыгарып алсаңыз болот. Ал эми жоголгон картаны блоктоого банктын байланыш бөлүмүнө чалышыңыз керек. Эгер номерин жатка билбесеңиз, банктын кардарларды күнү-түнү тейлөөчү адистерине кайрылыңыз", — деди Малабек уулу.

Ал картаны блоктоодо паспорттук маалыматтарыңыз керек болорун кошумчалады.

Тема боюнча

Малабек уулу: кардарлар насыялык таржымалдын маанисин түшүнө беришпейт
Белгилер:
кеңеш, банк, карта

ЭҢ МААНИЛҮҮ