Радиостудия Sputnik Кыргызстан в Бишкеке - Sputnik Кыргызстан
Радио

Алмамбетова: Бишкектеги мүлк, жер тилкелери инвентаризацияланат

© Sputnik / Асель АкматалиеваСоветник мэра Бишкека Гуля Алмамбетова
Советник мэра Бишкека Гуля Алмамбетова - Sputnik Кыргызстан
Жазылуу
Бишкек шаарынын мэринин кеңешчиси Гуля Алмамбетова каттоодон өткөн мүлктүн баарын шаар тургундары интернет аркылуу ачык көрө алышарын айтты.
Алмамбетова: Бишкектеги мүлк, жер тилкелери инвентаризацияланат

Бишкек мэри Азиз Суракматов шаардагы жер тилкелерди, имараттарды инвентаризациядан өткөрүү боюнча буйрук чыгарды. Мындай иш-чара Бишкекте өлкө эгемендүүлүк алгандан бери алгачкы ирет колго алынып жатат. Бул тууралуу Гуля Алмамбетова Sputnik Кыргызстан радиосунун эфиринде маек куруп жатып билдирди.

Анын айтымында, чыгарылган буйруктарга вице-мэрлер жоопкерчилик алып, ар кимиси өз тармагы боюнча иш жүргүзөт.

"Шаар балансында канча имарат бар, кайсы жер тилкеси каякка карай турганы боюнча ушул күнгө чейин так, иреттүү маалымат жок. Мэр бул кемчиликтерди жоюу үчүн шаар эсебиндеги жер, мүлктү инвентаризациялоого багытталган үч буйрук чыгарды. Ага вице-мэрлер жоопкер болуп, бардык тиешелүү башкармалыктар камтылды. Инвентаризациялоо иштери аяктаса, шаар калкы кайсы жерде эмне имарат шаарга карайт, кайсы жер тилкеси мэриянын карамагында экени тууралуу интернет аркылуу эле ачык маалымат ала алышат. Топтолгон маалыматтын баары иреттелип, мэриянын сайтына жайгашат. Ал жактан тиешелүү имараттын сүрөтүн басса, ал тууралуу толук маалымат алууга болот", — деди Алмамбетова.

Ал аталган аракеттер коррупциялык иштерге жол бербөөгө жана кошумча каражат булактарын аныктоо максатында жүргүзүлүп жатканын кошумчалады.

Жаңылыктар түрмөгү
0