Радиостудия Sputnik Кыргызстан в Бишкеке - Sputnik Кыргызстан
Радио

Сатыбалдиева: Бишкекте 200дөн ашык курулуш компаниясы иштейт

© Sputnik / Табылды КадырбековКурулуш компаниясынын финансылык директору Гүлнара Сатыбалдиева
Курулуш компаниясынын финансылык директору Гүлнара Сатыбалдиева - Sputnik Кыргызстан
Жазылуу
Курулуш компаниясынын финансылык директору Гүлнара Сатыбалдиева "Ишенимсиз куруучулардан коргоо" мыйзам долбоору кабыл алынып калса, көптөгөн компаниялар ишин токтотуп, турак жайга болгон баа жогорулай тургандыгын билдирди.
Сатыбалдиева: Бишкекте 200дөн ашык курулуш компаниясы иштейт

Курулуш тармагында алданып калган кардарлардын саны өтө көп эмес. Андыктан бул мыйзам долбоору кайсыл себептерден улам демилгеленип жатканы белгисиз. Бул тууралуу Гүлнара Сатыбалдиева "Ачык кеп" программасынын эфиринде маек куруп жатып маалымдады.

Анын айтымында, сунушталып жаткан мыйзам долбоорунун шарттарына курулуш компаниялары көнө бербейт.

"Алданып калган кардарлардын саны көп эмес. Айрым учурларда алданган адамдар жагдайга өздөрү дагы күнөөлүү. Азыр шаарда турак жайдын бир чарчы метри 600 доллардын тегерегинде сатылат. Бирок кээ бир жоопкерчиликсиз компаниялар чарчы метрин 350-400 доллардан сатып, кардарлар алардын кылтагына илинип, алдатып жиберет. Жакшы үйдүн баасы мынчалык төмөн болбой турганын ар бир киши түшүнүшү керек. Кардар үй алаарда эринбей мамлекеттик курулуш компаниясына барып, берилген лицензиянын реестрин карасын, курулуш жүргүзгөнгө уруксат кагаздарына кызыксын. Кардар өзү дагы буга жоопкерчиликтүү мамиле жасашы керек. Эгерде депутат Аида Исмаилова демилгелеп жаткан мыйзам долбоору кабыл алынып калса, анда курулуш компаниялардын бардык тургузулган объектилеринин баасына барабар баштапкы капиталдык нормасын аныктоо, кардарлардын каражатын атайын эсепке түшүрүү, куруучу компания объектини куруп бүткөндөн кийин гана эсептешүүнү жүргүзө алган сыяктуу нормалар киргизилет деп жатышат. Андай шартты эч ким аткара албайт. Көп компания жабылат. Турак жайга болгон баа асманды чапчыйт", — деди Сатыбалдиева.

Ошондой эле ал турак жай сатып алууда алдын ала юристтер менен кеңешүү ашык болбостугун кошумчалады.

Жаңылыктар түрмөгү
0