16:52 21 Жетинин айы 2019
Түз эфир
  • USD69.8500
  • EUR77.4357
  • RUB1.0941
Республикалык кан борборунун башкы директору Бакыт Карабаев
© Sputnik / Асель Акматалиева

Карабаев: ардактуу донорлор акысыз медициналык көзөмөлдөн өтөт

Радио
Кыскача шилтеме алуу
124 0 0

Республикалык кан борборунун башкы директору Бакыт Карабаев Кыргызстанда акысыз кан тапшыргандар жалпы донорлордун 2,5 пайызын гана түзөрүн айтты.

Ардактуу донорлор акысыз медициналык көзөмөлдөн өтөт. Ошондой эле эки күндүк дем алышка чыгуу мүмкүнчүлүгү бар. Бул тууралуу Бакыт Карабаев Sputnik Кыргызстан радиосунун эфиринде маек куруп жатып билдирди.

Анын айтымында, дүйнөлүк саламаттыкты сактоо уюмунун талабына жараша 1000 кишиге 40 донор туура келиши керек. Кыргызстанда бул көрсөткүч төрт гана адамды түзөт.

"Өнүккөн мамлекеттерде акысыз кан тапшыргандардын саны 100 пайызга чейин жетет. Бизде тилекке каршы бул көрүнүш он пайызга төмөн. Кан берүүнү каалагандар 30 ирет акысыз же 45 жолу акы алып кан тапшырса ардактуу донор деген статуска ээ болот. Ардактуу донорлор медициналык көзөмөлдөн акысыз өтүүгө жана эки күндүк дем алыш алууга укуктуу", — деди Карабаев.

Ал ошондой эле ардактуу донорлорго ай сайын 1000 сомдон берилип турарын кошумчалады.

Тема боюнча

Ош: донорлордун саны азайып, адистер элди кан берүүгө чакырууда
Белгилер:
кан, донор, медицина

ЭҢ МААНИЛҮҮ