Радиостудия Sputnik Кыргызстан в Бишкеке - Sputnik Кыргызстан
Радио

Алымкожоев: аскердин баркын көтөрүү — коомчулуктун да милдети

© Sputnik / Табылды КадырбековГенералдык штабдын экс-начальниги, генерал-майор Асанбек Алымкожоев. Архив
Генералдык штабдын экс-начальниги, генерал-майор Асанбек Алымкожоев. Архив - Sputnik Кыргызстан
Жазылуу
Генералдык штабдын экс-начальниги, генерал-майор Асанбек Алымкожоев өлкөдө экономика көтөрүлгөндө гана аскерге баруу барктуу ишке айланарын айтты.
Алымкожоев: аскердин баркын көтөрүү — коомчулуктун да милдети

Аскердин баркын көтөрүү — мамлекеттин да, коомчулуктун да милдети. Жалгыз Генералдык штаб эч нерсе кыла албайт. Мындай пикирин Асанбек Алымкожоев Sputnik Кыргызстан радиосунун эфиринде маек куруп жатып билдирди.

Анын айтымында, жылдан-жылга кыргыз аскеринин деңгээли жогорулоодо. Буга Улуттук гвардияда 30 пайызга жакын жогорку билимдүү жоокерлердин кызмат өтөп жаткандыгы мисал.

"Армиянын баркын көтөрүү бир эле Генералдык штабдын же министрликтин иши эмес. Бул мамлекеттик деңгээлде жасалчу кадамдарды талап кылат. Кайсы гана өлкөнү мисалга албайлы, анын экономикасы кандай болсо, аскери, билим берүүсү, саламаттык сактоо багыты да ошол эле деңгээлде болот. Ошондой эле аскерге баруу өзүнүн түздөн-түз милдети экенин сезип, жарандарыбыз жоопкерчиликтүү мамиле жасоого, ата-энелер мекенчил уулдарды тарбиялоого милдеттүү. Демек, аскердин баркын көтөрүүгө коомчулук да таасир этет", — деди Алымкожоев.

Ал жаш жигиттерди мекен алдындагы милдетинен качпоого чакырды.

Жаңылыктар түрмөгү
0