01:44 20 Теке 2019
Түз эфир
  • USD69.6517
  • EUR78.3651
  • RUB1.1079
Улуттук госпиталдын көз микрохирургиясы бөлүмүнүн офтальмологу Алтынай Чаркынова. Архив
© Sputnik / Табылды Кадырбеков

Чаргынова: күндөн коргоочу көз айнектердин атайын белгиси болот

Радио
Кыскача шилтеме алуу
142220

Улуттук госпиталдын көз микрохирургиясы бөлүмүнүн офтальмологу Алтынай Чаргынова күндөн коргоочу көз айнектерди базардан сатып албоо керектигин айтты.

Күндөн коргоочу көз айнектердин атайын белгиси болот. Кулакка такчу жагынын ичин караганда С 109 деген жазуусу бар көз айнектер күн нурларынан сактай алат. Бул тууралуу Алтынай Чаргынова Sputnik Кыргызстан радиосунун таңкы эфиринде маек куруп жатып билдирди.

Анын айтымында, мындай жазуусу бар көз айнектерди базарлардан эмес, атайын оптикалык дүкөндөрдөн тапса болот.

"Өзгөчө жаштар мода көрүп тагынып жаткан көз айнектерди көбүнесе базардан сатып алышат. Тилекке каршы, алар көздү күндүн нурланынан коргоп кала албайт. Кулакка таккан жагынын ичин караганда С 109 деген жазуусу барларын гана алыш керек. Бул белги атайын күндүн ультрокөгүлтүр нурланынан коргоочу фильтри бар дегенди түшүндүрөт. Албетте, алардын баасы базардагы көз айнектерге салыштырмалуу кымбатыраак жана атайын көз айнек сатуучу дүкөндөрдөн гана сатып ала алабыз. Бирок биздин өлкөдө күндүн нуру катуу тиет деп эсептелгендиктен, жылдын дээрлик бардык учурунда күндөн коргоочу көз айнек тагынып жүрүүнү сунуштайм", — деди Чаргынова.

Ал көздүн көрүүсүнө залака кетирбеш үчүн керектүү көнүгүүлөрдү жасап, тиешелүү витаминдерди ичип туруу керектигин кошумчалады.

Тема боюнча

Абдувалиева: эненин ууз сүтү бала үчүн өтө маанилүү
Белгилер:
ден соолук, көз айнек, Алтынай Чаркынова

ЭҢ МААНИЛҮҮ