17:21 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Маданият, маалымат жана туризм министрлигинин алдындагы Туризм департаментинин директору Азамат Жаманкулов
© Sputnik / Жоомарт Ураимов

Жаманкулов: тарыхый жайларга барчу жолдор оңдоло баштайт

Радио
Кыскача шилтеме алуу
105 0 0

Маданият, маалымат жана туризм министрлигинин алдындагы Туризм департаментинин директору Азамат Жаманкулов туризмди өнүктүрүү багытындагы 2020-жылга чейинки программада тарыхый жайларга барчу жолдорду оңдоого өзгөчө көңүл бурулуп жаткандыгын айтты.

Тарыхый жайларыбызды көздүн карегиндей сакташыбыз керек. Анткени, туристтер биздин кооз табиятыбыздан сырткары тарыхый жерлерибизге да кызыгат. Мындай пикирин Азамат Жаманкулов Sputnik Кыргызстан радиосунун таңкы эфиринде маек куруп жатып билдирди.

Анын айтымында, программанын алкагында быйыл көчмөндөр оюнуна байланыштуу Семенов жана Григорьев капчыгайына кетчү жолдор жасалууда.

"Кийинки жылга Сары-Челек, Соң-Көлгө барчу жолдорду оңдоо пландалууда. Андан сырткары, Бишкек – Чүңкурчак – Ала-Арча жолун дагы шакекче түрүндө карап жатабыз. Бул борбор калаабызга аз күнгө иш сапары менен келген туристтер үчүн абдан ыңгайлуу маршрут болот. Кыска убакытта, бир нече кооз жерге саякаттаганга мүмкүнчүлүк түзүлөт. Ошондой эле маданий, тарыхый жайларыбызды оңдоп-түзөөгө да бул программанын алкагында жакшы көңүл бурулат ", — деди Жаманкулов.

Ал программанын алкагында Таш-Рабат, Өзгөн мунарасы сыяктуу тарыхый-маданий жайлар да оңдоп-түзөөдөн өтөрүн кошумчалады.

Тема боюнча

Жаманкулов: Кыргызстан жылына 18 млн. туристти кабыл ала алат
Белгилер:
жай, тарых, туризм, Азамат Жаманкулов

ЭҢ МААНИЛҮҮ