07:50 17 Аяк оона 2019
Түз эфир
  • USD69.8099
  • EUR77.2028
  • RUB1.0937
Ысык-Көл районунун акими Данир Иманалиев
© Sputnik / Табылды Кадырбеков

Иманалиев: Ысык-Көлдү таза сактоо жалпыбыздын милдетибиз

Радио
Кыскача шилтеме алуу
18620

Ысык-Көл районунун акими Данир Иманалиев жарандарды таштандыны полиэтилен баштыктарына салбай ыргытууга чакырды.

Ысык-Көлдү таза сактоо жалпыбыздын милдетибиз. Биз жыл сайын мугалимдерди, дарыгерлерди жада калса милицияны Ысык-Көлдүн жээгин тазалоо иштерине тартабыз, бирок эс алуучулар да таштандыны ой келди жерге ыргытпоого үйрөнсө. Мындай пикирин Данир Иманалиев Sputnik Кыргызстан радиосуна маек куруп жатып билдирди.

Анын айтымында, 10-20 күндө чирип жок болуучу таштандылар полиэтилен баштыктарына салынып ыргытылганда жылдап чирибей жата берет.

"Биз таштандынын морфологиясын карап чыкканыбызда башкы көйгөй полиэтилен баштыктары болуп чыкты. Жалпы таштандынын 70-80 пайызы да ушул баштыктар. Ага салынган таштанды бат чирибегендиктен, көлөмү да көбөйүп кетип жатат. Андыктан, биз Жогорку Кеңешке полиэтилен баштыктарына Ысык-Көл айланасында тыюу салуу боюнча өз сунушубузду бердик. Жылда көлдүн айланасын тазалайбыз, Бишкектен ыктыярчылар келип жардамдашат, бирок жыйынтык жок болуп жатат. Жалпы эс алуучулардан суранып кетет элем, эс алган жерибизди таза кармасак", — деди Иманалиев.

Ал таштандыны кайра иштетүүчү заводдорду куруу да мезгил талабы экенин кошумчалады.

Тема боюнча

Иманалиев: жеке дагы, мамлекеттик дагы пансионаттарды текшеребиз
Белгилер:
тазалык, эс алуу, Данир Иманалиев, Ысык-Көл

ЭҢ МААНИЛҮҮ