Радиостудия Sputnik Кыргызстан в Бишкеке - Sputnik Кыргызстан
Радио

Кайыпов: дастанчылык өнөрү аксап келет

© Sputnik / Табылды Кадырбеков"Дастанчы" коомдук фондусунун төрагасы, дастанчы Өмүрзак Кайыпов. Архив
Дастанчы коомдук фондусунун төрагасы, дастанчы Өмүрзак Кайыпов. Архив - Sputnik Кыргызстан
Жазылуу
"Дастанчы" коомдук фондусунун төрагасы, дастанчы Өмүрзак Кайыпов бул өнөргө кызыккан жаштардын көп экендигин айтты.

Дастанчылык өнөр аксап келет. Анткени аны элге жайылтууга жакшы көңүл бурулбайт. Мындай пикирин Өмүрзак Кайыпов Sputnik Кыргызстан радиосунда маек куруп жатып билдирди.

Кайыпов: дастанчылык өнөрү аксап келет

Анын айтымында, дастанчылык өнөрүн түшүнбөй "эми муну жөн эле койбойсуңбу" дегендер да бар.

"Айтыш өнөрү Садык Шер Нияз агабыздын эмгеги менен жакшы деңгээлге көтөрүлүп калды. Манасты айтпасак да кыргыз бренди. Дастанчылык да мына ушундай деңгээлде дүйнө элине тааныла турган өнөр. Тилекке каршы, мамлекеттик идеологиябыздын туура эместигинен, кыргыздын төл маданияты эмес, сырттан келген убактылуу кызыкчылыктарга азгырылып жатабыз. Мына ушундай учурда бизге ким колдоо көрсөтөт деп күтүп жата бербей, өнөр ээлери өзүбүз аракет кылалы деп фонд түздүк", — деди Кайыпов.

Ал учурда дастанчылардан сабак алып жаткан фонддун 18 мүчөсү бар экенин кошумчалады.

Эскерте кетсек, калкка белгилүү өнөр адамдары Өмүрзак Кайыпов, Токтобек Асаналиев жана Самат Көчөрбаев негиздеген "Дастанчы" фондусу "Курманбек", "Кожожаш", "Жаныш-Байыш", "Карагул ботом" жана "Аксаткын менен Кулмырза" кенже эпосторунун аудиолоштурган.

Жаңылыктар түрмөгү
0