10:58 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Өнүгүү-Прогресс фракциясынын депутаты Зиядин Жамалдиновдун архивдик сүрөтү
© Sputnik / Табылды Кадырбеков

Жамалдинов: бала бакчаларда кыргыз тилине жакшы көңүл бурулбай жатат

Радио
Кыскача шилтеме алуу
13810

"Өнүгүү-Прогресс" фракциясынын депутаты Зиядин Жамалдинов жеке бала бакчалардын санын көбөйтүү керектигин билдирди.

Бала бакчаларда кыргыз тилине тийиштүү деңгээлде көңүл бурулбай жатат. Мамлекеттик болобу, жеке менчик болобу кыргыз тилинде окутуп, башка тилдерди кошумча үйрөтүүнү талап кылуу керек. Мындай пикирин Зиядин Жамалдинов Sputnik Кыргызстан радиосуна бала бакчалардын учурдагы абалы тууралуу маек куруп жатып билдирди.

Анын айтымында, учурда өлкөдө бала бакчалардын жетишсиздиги курч маселе бойдон калууда.

"Кезек күткөн балдардын саны көп. Мамлекет алардын баарын кыска убакытта бала бакча менен камсыздай албайт. Андыктан жеке менчик бала бакчаларды көбөйтүү керек, бирок алардын окуу программалары кыргыз тилинде жүргүзүлүүсү зарыл. Азыр бизде наристелерге бакчада кыргыз тилин үйрөтүүгө жакшы көңүл бурулбай жатат", — деди Жамалдинов.

Ал ошондой эле балдар тарбияланган жайлардын тамак-аш коопсуздугуна да олуттуу көңүл буруу зарылдыгын кошумчалады.

Тема боюнча

Токтомаметов: балдардын мектепке чейинки даярдыгына өзгөчө көңүл бурулууда
Белгилер:
бала бакча, билим берүү, Зиядин Жамалдинов

ЭҢ МААНИЛҮҮ