20:01 14 Баш оона 2018
Түз эфир
  • USD69.2500
  • EUR78.8515
  • RUB1.0374

Касымалиева: сөз эркиндигине байланыштуу маселелерде этият болсок

Радио
Кыскача шилтеме алуу
104 0 0

КСДП фракциясынын депутаты Аида Касымалиева интернетте орунсуз сын айткандарга айып салуу демилгесин колдобой тургандыгын айтты

Сөз эркиндигине байланыштуу маселелерде этият болуу керектигин эл өкүлү Аида Касымалиева Sputnik Кыргызстан радиосуна маек куруп жатып билдирди.

Эске сала кетсек, депутат Дастан Бекешев интернетте негизсиз сын айткандарга 20 миң сом айып салуу боюнча мыйзам долбоорун сунуштоодо.

"Бул жерде эки маселе каралып жатат. Адамды интернетте жамандап жазса аны актоо боюнча өзгөртүүлөр жана моралдык компенсациянын минималдык өлчөмү. Негизи мыйзам чийки деп эсептейм. Бул сөз эркиндигине тиешелүү маселелер болгондуктан этият болушубуз керек. 20 миң сом деп чектөө койсок соттордун эмне кереги бар? Биздин акыбалды эске алганда абдан коркунучтуу жагдай жаралат. Баарыбыз эле Facebook, Twitter аркылуу төгүндөө жазып жашап калабыз го", — деди Касымалиева.

Белгилей кетсек, мыйзам долбоорун Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитети жактырган.

Тема боюнча

Абайлаңыз! Интернетте негизсиз сын айткандарга 20 миң сом айып салынышы мүмкүн
Белгилер:
сөз эркиндиги, Аида Касымалиева
Колдонуу эрежелериПикирлер

ЭҢ МААНИЛҮҮ