16:45 24 Кулжа 2018
Түз эфир
  • USD68.2440
  • EUR79.6305
  • RUB1.0791
Республика — Ата-Журт фракциясынын депутаты Талант Мамытовдун архивдик сүрөтү
© Sputnik / Табылды Кадырбеков

Мамытов: Транспорт министрлигинин ишмердүүлүгүн текшерип чыгуу керек

Радио
Кыскача шилтеме алуу
91 0 0

"Республика — Ата-Журт" фракциясынын депутаты Талант Мамытов айрым кызматкерлер бузулуп калган техникаларды колдонду деген шылтоо менен күйүүчү майды өз максатына жумшап жатканын айтты.

Транспорт министрлигинин ишмердүүлүгүн текшерип чыгуу керек. Бул тууралуу Талант Мамытов парламентте сүйлөп жатып билдирди.

Анын айтымында, тоолуу аймактардагы жолдор кардан тазаланбай калууда.

"Кардын жаашы менен Төө-Ашууда, Суусамырда бир топ көйгөйлөр жаралды. Негизги стратегиялык жолдо ушундай болуп жатса тоолуу аймактагы көчөлөрдө абал кандай болуп жатат? Транспорт министрлигинин аракеттери күмөн жаратууда. Расмий түрдө прокуратурага кайрылып, кышка болгон даярдыгы, жолду кардан тазалоо аракеттери боюнча жер-жерлердеги иштерин текшерип чыгуу керек. Бизге жеткен маалыматтарга караганда аймактарда жолдогу кар тазаланбайт", — деди Мамытов.

Ал айрым кызматкерлер бузулуп калган техникаларды колдонду деген шылтоо менен күйүүчү майды өз максатына колдонуп жатканын кошумчалады.

Тема боюнча

Алдыдагы бир жумада аба ырайы кандай болот? ӨКМдин маалыматы
Белгилер:
жол, Талант Мамытов
Колдонуу эрежелериПикирлер

ЭҢ МААНИЛҮҮ