16:21 24 Аяк оона 2017
Түз эфир
Кыргызстандын эмгек сиңирген артисти, актриса Шайыр Касымалиева маек учурунда
© Sputnik / Жоомарт Ураимов

Касымалиева: оорумду көпкө чейин элден жашырып жүрдүм

Радио
Кыскача шилтеме алуу
1458 0 0

Кыргызстандын эмгек сиңирген артисти, актриса Шайыр Касымалиева мындан 20 жыл мурда неврит оорусуна кабылып ошондон бери бул илдет менен алышып келет.

Башында оорум тууралуу элге ачык айта албай жүрдүм, бирок кийинчерээк ачыктоого туура келди. Бул тууралуу Шайыр Касымалиева Sputnik Кыргызстан агенттигине маек берип жатып билдирди.

"Оорунун себеби катуу суук тийип, стресс болгом. Жаңы кармап баштаганда тынымсыз тартып тураар эле. Азыр бир аз жакшы болуп калды. Башында аябай чуркап, аракет кылдым, бирок жыйынтык чыкпады. Бул дарттан айыккандар чанда болот экен. Анын үстүнө убагында бир дарыгер туура эмес дарылап салып ушинтип адатка айланып калды. Азыр эл менен жолукканда "силер менен сүйлөшүп жатып оң жак көзүмдү ымдасам таң калбагыла" деп алдын ала айтып коем. Режиссерлор да тасмага тартылууга чакырса алгач ушундай илдет бар экенин айтам. Бирок көбү ага карабайт. Болгону жаагым кыйшайып, көзүм жумула баштаганда тартуу ишин токтото турушат", — деди Касымалиева.

Актриса жакында өзүн сценарист, продюсер катары сынап "Махабат" аттуу тасма тарттырган. Фильм 10-сентябрдан бери борбор калаанын бардык кинотеатрларында элге тартууланууда.

Шайыр Касымалиева менен болгон кызыктуу маекти Sputnik Кыргызстан агенттиги даярдаган материалдан окуй аласыздар>>

Тема боюнча

Шайыр Касымалиева: жеке да, чыгармачыл да жашоом татаал болду
Белгилер:
тасма, оору, актриса, Кыргызстан

ЭҢ МААНИЛҮҮ