Раев: Лондон менен театр жаатында кызматташууну улантабыз
Лондон менен театр жаатында кызматташуу уланат. Бул тууралуу драматург Султан Раев Sputnik Кыргызстан радиосуна маек куруп жатып билдирди.
Анын айтымында, буга чейинки сүйлөшүүлөрдөн жакшы натыйжа чыккан.
"Кыргыз маданиятында жана улуттук театрдын тарыхында чоң маданий окуя болуп жатат. Кыргыз-британ театр долбоору ишке ашып, Бабур атындагы өзбек драмалык театрынын артисттери Уильям Шекспирдин "Ричард — 3" трагедиялык чыгармасын коюшту. Анан эми ушул спектаклди 2017-жылдын ноябрь айында Лондондо коюу макулдашылды", — деди Раев.
Ал кыргыз режиссёрлорунун британиялык театр чеберлеринен сабак алуусун шарттоо аракети көрүлүп жатканын кошумчалады.
