03:44 22 Баш оона 2017
Түз эфир
Мамлекеттик экологиялык жана техникалык коопсуздук боюнча инспекциясынын Эмгек жана эмгектик мамилелер көзөмөлдөө башкармалыгынын башчысы Бакыт Жолчиевдин архивдик сүрөтү
© Фото / пресс-служба Госэкотехинспекции

Жолчиев: курулушка иштегени жаткан жаш балдар бир айлык даярдоодон өтүшү керек

Радио
Кыскача шилтеме алуу
28 0 0

Акыркы жылдары курулуш объектилеринде жабыр тартып же каза болгон куруучулар тууралуу көп айтыла баштады.

Учурда курулуш тармагындагы кырсыктарга атайын даярдыгы, билими жок жаш балдардын иштеп жатканы себепкер экенин Sputnik Кыргызстан агенттигине Мамлекеттик экологиялык жана техникалык коопсуздук боюнча инспекциясынын Эмгек жана эмгектик мамилелер көзөмөлдөө башкармалыгынын башчысы Бакыт Жолчиев билдирди.

"Эмгек кодексине ылайык жашы 18ге чыга элек балдарды куруучу кылып жумушка алууга болбойт. Бирок 16-17 жаштагы балдар тааныштары аркылуу жумушка кирип кеткен учурлар көп. Айрымдары мектепти бүтүп-бүтө электер. Анан албетте алар техникалык коопсуздукту сакташпайт, ал тууралуу түшүнүгү дагы жок", — деди Жолчиев.

Анын айтымында, жаштарды жумушка алууда курулуш аянтында өзүн туура алып жүрүү боюнча маалыматтарды берген бир айлык даярдоо курсунан өткөрүү зарыл.

Ал кошумчалагандай, Кыргызстанда иш алып барган курулуш компаниялары жумушчуларынын 15-20 пайызы менен гана келишим түзөт. Калган жумушчулар келишимсиз иштейт.

Тема боюнча

Көп кабаттуу үйдөн кулап каза болгон куруучунун артында эки баласы калды
Белгилер:
өлүм, тажрыйба, Кыргызстан

ЭҢ МААНИЛҮҮ