Радиостудия Sputnik Кыргызстан в Бишкеке - Sputnik Кыргызстан
Радио

Бозалаев: Боомдун сел түшкөн жерлерине жол астынан өткөн суу түтүгү орнотулат

© Фото / пресс-служба Минтранса КРДиректор Департамента дорожного хозяйства Бозолаев Керимкул
Директор Департамента дорожного хозяйства Бозолаев Керимкул - Sputnik Кыргызстан
Жазылуу
Өткөн жылы Бишкек — Нарын — Торугарт унаа жолунун Боом капчыгайындагы бөлүгүндө эки ирет түшкөн сел жолду каптап автоунаалардын каттамына тосколдук жараткан. Мындан улам ал жерге суу өтүүчү түтүктөр коюлбай калганы айтылган.
Бозалаев: Боомдун сел түшкөн жерлерине жол астынан өткөн суу түтүгү орнотулат

Боом капчыгайына жол астынан өткөн эки суу түтүгү коюлат. Бул туурасында Sputnik Кыргызстан радиосуна Бишкек — Нарын — Торугарт жол башкармалыгынын башкы инженери Керимкул Бозолаев билдирди.

"Былтыр атайын түзүлгөн коммиссиянын жыйынтыгында унаа жолдун 137 жана 141-чакырымдарына жол астынан өткөн суу түтүктөрүн орнотуу чечими чыгарылган. Аны курууга жалпы жонунан 12 миллион сом керектелет. Буга каражат бөлүп берүү үчүн Жол чарба департаментине кат жолдогонбуз. Алар алты айлык экология планына киргизип, каражат бөлүп берсе, куруу иштерин жүргүзүүгө тендер жарыяланат. Каражат ушул айдын аягына чейин бөлүнөрү болжолдонууда. Бул жылы былтыркыдай сел каттала элек. Жаан-чачындарда жеринде нөөмөткө туруп тазалоо иштери жүргүзүлүп жатат", — деди Бозолаев.

Ошондой эле ал бүгүндөн тарта 10-июлга чейин Боом капчыгайында атайылап таш кулатуу иштери жүргүзүлөрүн кошумчалады.

Аксы районунун Авлетим айыл аймагындагы Терек-Сай айылында катуу жааган жамгырдан улам сел жүрүп турак жайларды каптаган - Sputnik Кыргызстан
Аксынын Терек-Сай айылында сел жүрдү. Кырсыктын видеосу
Эскертке кетсек, өткөн жылы Бишкек — Нарын — Торугарт унаа жолунун Боом капчыгайындагы бөлүгүндө катуу жаандан улам эки жолу сел жүргөн. Адистердин айтымында, жолдун желип кетишине жамгыр эмес, жол алдындагы түтүктөрдүн орнотулбай калышы себеп болгон.

Бишкек — Нарын — Торугарт жолунун жалпы узундугу 539 чакырымды түзүп, Чүй, Нарын жана Ысык-Көл облустарын байланыштырып турат. Ошондой эле Кыргызстандын аймагы аркылуу Кытайдын түндүк-түштүгүнөн Кордай пунктуна чейинки (түндүк Казакстан) транзиттик жол болуп эсептелет.

Унаа жолду калыбына келтирип, ишке киргизүү үчүн 427 миллион доллардан ашык каражат жумшалган. Анын негизги бөлүгү 2014-жылы бүткөрүлүп ишке берилген.

Жаңылыктар түрмөгү
0