Радиостудия Sputnik Кыргызстан в Бишкеке - Sputnik Кыргызстан
Радио

Ташланов: кечээтен бери 33 адам кайрылды, көбү — стресс алгандар

© Фото / Зульфия ТургуноваРуководитель мобильной группы медиков Бактияр Ташланов
Руководитель мобильной группы медиков Бактияр Ташланов - Sputnik Кыргызстан
Жазылуу
Зергер айыл аймагынын Аюу айылында 13 дарыгер иштеп жатат.
Ташланов: кечээтен бери 33 адам кайрылды, көбү — стресс алгандар

Жер көчкү жүргөн жерде каза болгондордун жакындарына жеринде медициналык жана психологиялык жактан жардамдар көрсөтүлүүдө. Бул туурасында дарыгерлердин мобилдик тобунун жетекчиси Бактияр Ташланов аймактык кабарчыга билдирди.

"Кечээтен бери бизге 33 адам кайрылды. Алардын көбү — стресс алгандар. Үчөөнүн абалы оор болгондуктан алгачкы жардам көрсөтүп, Өзгөн районунун аймактык ооруканасына жөнөттүк. Мындан сырткары, Ош облустук психологиялык борборунан психологдор келип иш алып барууда", — деди дарыгер.

Өзгөн: артымды карасам үй жок, баарынан айрылдым! Күйүткө баткандардын ыйы - Sputnik Кыргызстан
Өзгөн: артымды карасам үй жок, баарынан айрылдым! Күйүткө баткандардын ыйы
Белгилей кетсек, 29-апрелде эртең менен саат 6:40тар чамасында Өзгөн районун Зергер айыл аймагындагы Аюу айылында көлөмү 200 миң метр куб жер көчкү жүрүп, алдын ала маалымат боюнча алты үй-бүлөдөн 24 кишини басып калган. Көчкү алдында калган жети турак жайдын бирөөндө эч ким жашаган эмес.

30-апрель күнү түштө көчкү алдында калган 2 жана 12 жаштагы эки кыздын сөөгү табылды

Аюу айылы Өзгөндүн борборунан 30 чакырым алыстыкта жайгашкан. Аталган аймакта 248 үй-бүлө, ал эми киши саны менен алганда 1800гө чукул адам жашайт.

Жаңылыктар түрмөгү
0