Радиостудия Sputnik Кыргызстан в Бишкеке - Sputnik Кыргызстан
Радио

Зейнеп Исраилова: кош бойлуу аял бизге келгенде тилин чайнап калган

© Фото / Зульфия ТургуноваГлава Ошского стационара Зейнеп Исраилова
Глава Ошского стационара Зейнеп Исраилова - Sputnik Кыргызстан
Жазылуу
Ош шаардык төрөт үйүнө оор абалда алынып келген аялды дарыгерлер операция жолу менен төрөтүшүп, 1,5 килограмм салмактагы эркек уул жарык дүйнөгө келген. Бирок анын энеси 25-февралда каза таап, артында жети баласы калды.
Зейнеп Исраилова: кош бойлуу аял бизге келгенде тилин чайнап калган

Алай районунун Сары-Могол айылынын 43 жаштагы кош бойлуу тургуну Ош шаардык төрөт үйүнө тилин чайнап оор абалда келген. Бул тууралуу аталган төрөт үйүнүн дарыгери Зейнеп Исраилова Sputnik Кыргызстан агенттигинин аймактык кабарчысына билдирди.

Анын айтымында, кош бойлуу аялды төрөт үйүнө жолдошу алып келген.

"Бул аял бизге келгенге чейин үйүнөн 7-8 жолу эсин жоготуптур. Аял комага түшүп калгандыктан тогуз күн бою жасалма дем алдыруучу аппараттын жардамы менен жатты. Абалы оорлошуп кеткендиктен кесарева жолу менен төрөттүк. Башында баланын абалы начар болчу, бирок медициналык көзөмөл жакшы болгондуктан ымыркайдын абалы турукташып калды. Тилекке каршы анын энеси 25-февраль күнү каза болуп калды", — деди Исраилова.

Дарыгер каза болгон келиндин артында жаңы төрөлгөн ымыркайын кошкондо төрт уул, үч кызы калганын кошумчалады.

Жаңылыктар түрмөгү
0