06:46 22 Аяк оона 2017
Түз эфир
Нарын облустук ветеринардык, фитосанитардык коопсуздук боюнча инспекциясынын башчысы Жалил Алымкулов
© Фото / Нуразада Мукашева

Жалил Алымкулов: Нарында биринчи бодо мал каттоого алынат

Радио
Кыскача шилтеме алуу
50 0 0

Каттоого алынган мал тууралуу маалыматтар электрондук базага киргизилет.

Нарын облусунда малды каттоого алуу иштери ушул айда башталарын Нарын облустук ветеринардык, фитосанитардык коопсуздук боюнча инспекциясынын башчысы Жалил Алымкулов аймактык кабарчыга билдирди.

Анын айтымында, биринчи кезекте бодо мал — саан уйлар каттоого алынат. Аларга тагылган биркалар электрондук базага киргизилет.

"Нарын облусундагы бардык мал жандыктарын электрондук каттоого алууну үстүбүздөгү жылдын март айында бүткөрүү пландалууда. Учурда материалдык техникалык жабдыктар алынып, алар орнотулуп жатат. Ар бир айыл өкмөттө адистер, ветеринарлар болуп жетиден киши иштейт. Ал үчүн облуста 320 адам окуудан өттү", — деди ал.

Алымкулов ошондой эле каттоо ишин баштоо үчүн ар бир райондон беш айыл пилоттук болуп тандалганын кошумчалады.

Бирканын баасы 40 сом болсо, кызматтын баасы 30 сом деп бааланган. Алардын баарын мал ээси төлөшү керек.

Тема боюнча

Нарында январдын ортосунда мал каттоо иштери башталат
Белгилер:
каттоо, мал, Нарын

ЭҢ МААНИЛҮҮ