Радиостудия Sputnik Кыргызстан в Бишкеке - Sputnik Кыргызстан
Радио

Жылдыз Айгерчинова: өлкөнүн айрым аймактарында сасык тумоо басаңдай элек

© Фото / Гульнура ЖекшембаеваПресс-секретарь Министерства здравоохранения Жылдыз Айгерчинова
Пресс-секретарь Министерства здравоохранения Жылдыз Айгерчинова - Sputnik Кыргызстан
Жазылуу
Бишкек шаарында сасык тумоодон жабыркап, ооруканага кайрылгандардын саны азайган.

Өлкөнүн айрым аймактарында сасык тумоо басаңдап калса, кээ бир облустарда оору күч алууда. Бул тууралуу Саламаттык сактоо министрлигинин маалымат катчысы Жылдыз Айгерчинова Sputnik Кыргызстан маалымат агенттигине кабарлады.

Анын айтымында, Бишкек шаарында сасык тумоодон жабыркап, ооруканага кайрылгандардын саны азайган.

"Бүгүнкү күнгө карата Бишкек, Ош жана Чүй облустарында ооругандардын саны стабилдүү болуп калды. Бирок Ысык-Көл, Жалал-Абад, Баткен облустарында сасык тумоого кабылгандардын саны өсүп кээ бир аймактарда мектеп, бала бакчалар жабылды. Алсак, Жалал-Абад облусуна караштуу Токтогулда эки мектеп, бир бала бакча, Чаткалда эки мектеп, Кара-Көл шаарчасында бир бала бакча жабылган. Ал эми Чүй облусунда 11, Ысык-Көл облусунда сегиз мектепте убактылуу иш токтоду", — деди Айгерчинова.

Мындан улам өлкөнүн бардык облустарында мамлекеттик көзөмөл кызматтары тарабынан катуу текшерүү жүргүзүлүп, сасык тумоо көп катталган мектептер дароо жабылууда. Айгерчинова абал турукташып калган соң гана алар иштей баштарын кошумчалады.

Жаңылыктар түрмөгү
0