19:18 02 Бештин айы 2021
Түз эфир
  • USD84.7897
  • EUR96.0031
  • RUB1.1448
Кыргызстанда
Кыскача шилтеме алуу
7131 0 0

Мекеме каттоого алынган автоунаалардын арасында Aston Martin, McLaren Automotive сыяктуу өзгөчө үлгүдөгү машиналар бар экенин белгиледи.

БИШКЕК, 26-ноя. — Sputnik. Санариптиик өнүктүрүү министрлиги Кыргызстанда саны боюнча көп 10 автоунаанын рейтингин түздү.

Министрликтин маалымат кызматы билдиргендей, өлкөдө Mercedes-Benz үлгүсүндөгү машина айдагандар басымдуулук кылат. "Унаа" ишканасы мындай үлгүдөгү көлүктөн 141 618ди каттаган.

© Фото / пресс-служба Министерства цифрового развития КР
Кыргызстанда саны боюнча көп 10 автоунаа

Экинчи орунга Daewoo үлгүсүндөгү авто илинген. Мындай үлгүдөгү автоунаадан өлкөдө 139 406сы катталган. Бир жыл мурда ал үчүнчү орунда болчу.

Кыргызстандыктар көп айдаган автоунаалардын алдыңкы катарында "АвтоВАЗ" компаниясынын унаалары да турат. Аталган транспорт былтыр экинчи орунда болсо, быйыл 137 485и катталып, үчүнчү орунга түшкөн.

Япониянын Toyota жана Honda компанияларынын автоунаа, мотоциклдерин айдаган кыргызстандыктар да арбын. Булар рейтингде 4-5-катардан орун алган. Toyota үлгүсүндөгү автоунаадан 128 672си катталса, Honda үлгүсүндөгү автоунаадан 118 722си каттоодон өткөн.

5-орундан 10-орунга чейин Корея, Германия, Россия жана Японияда чыгарылган автоунаалар илинген. Аларды министрлик даярдаган инфографикадан көрө аласыздар.

Мекеме өлкөдө автоунаалардын арасында Aston Martin, McLaren Automotive сыяктуу автоунаалар бар экенин айтып, мындай бирден гана экземпляры бар көлүктөрдөн 483ү катталганын кошумчалады.

Тема боюнча

Кыймылдаткычы эң бекем автоунаалар аныкталды
Белгилер:
Кыргызстан, рейтинг, автоунаа, үлгү

ЭҢ МААНИЛҮҮ