22:33 11 Чын Куран 2021
Түз эфир
  • USD84.7863
  • EUR100.7855
  • RUB1.0988
Кыргызстанда
Кыскача шилтеме алуу
0 0

2020-жылдын 1-апрелине чейин 2019-жыл үчүн салык декларациясын берүүгө жетишпеген жеке жактар жана жеке ишкерлер 2021-жылдын 1-апрелине чейин 2019 жана 2020-жыл үчүн эки декларация тапшыра алары белгиленди.

БИШКЕК, 2-мар. — Sputnik. Бирдиктүү салык декларациясын кабыл алуу өнөктүгүнүн экинчи этабы башталды. Бул тууралуу Мамлекеттик салык кызматынан кабарлашты.

Билдирмеге караганда, ал ушул жылдын 1-апрелине чейин жүргүзүлөт.

"Аталган мөөнөткө чейин мамлекеттик жана муниципалдык кызматкерлер, жеке ишкерлер, анын ичинде патенттик негизде салык төлөгөндөр, менчигине салык салынуучу кыймылдуу (транспорт) жана кыймылсыз (батир жана үй) мүлкү жана жер участогу бар жеке жактар декларациясын тапшырууга милдеттүү. Ошондой эле ишкана катары каттоодон өтпөгөн дыйкан жана фермердик чарбалар декларация тапшырышы шарт", — деп айтылат маалыматта.

2020-жылдын 1-апрелине чейин 2019-жыл үчүн салык декларациясын берүүгө жетишпеген жеке жактар жана ишкерлер 2021-жылдын 1-апрелине чейин 2019 жана 2020-жыл үчүн эки декларация тапшыра алышары белгиленди.

Эске салсак, юридикалык жактардын бирдиктүү салык декларациясын тапшыруу мөөнөтү 1-мартта аяктады.

Тема боюнча

Сазыков: учурда 230 миңден ашуун адам салыкты онлайн төлөп жатат
Белгилер:
үй, жер, ишкер, мөөнөт, декларация, салык

ЭҢ МААНИЛҮҮ