14:17 03 Жалган Куран 2021
Түз эфир
  • USD84.8113
  • EUR101.7905
  • RUB1.1373
Кыргызстанда
Кыскача шилтеме алуу
12164 0 0

Апта ичинде күн жылып, 15 градуска чейин жетет, бирок жуманын аягында абанын температурасы төмөндөй турганы айтылат.

БИШКЕК, 17-янв. — Sputnik. Кыргызгидромет агенттиги алдыдагы аптага карата аба ырайынын божомолу тууралуу маалымат берди.

Ага ылайык, дүйшөмбү, шейшемби күндөрү жана шаршембиде түнкүсүн жаан-чачын күтүлбөйт. Ал эми күндүз кар жаайт. Бирок бейшембиде кайра күн ачылат.

Батыштан соккон шамалдын ылдамдыгы секундасына 4-9 метрге жетиши күтүлөт.

Чүй, Талас облустары

18-19-январда түнкүсүн жаан жаабайт. Күндүз тоолуу райондордо кар жаап, дыйканчылык аймактарда күн ачык болот. 20-январда кээ бир райондордо кар жаайт. Деген менен 21-январда кайра эле күн ачылат.

Ош, Жалал-Абад, Баткен облустары

18-январда күн ачык болот, 19-январда тоолуу аймактарга кар жаашы ыктымал, бирок дыйканчылык аймактарда жаан-чачын күтүлбөйт. 20-январда түнкүсүн жана эртең менен Ош, Жалал-Абаддын көпчүлүк аймактарында, Баткен облусунун кээ бир райондорунда кар жаашы күтүлөт. 21-январь күнү жаан жаабайт.

Ысык-Көл облусу

18-19-январда түнкүсүн жаан-чачын болбойт. Бирок күндүз тоолуу жерлерде кар жаашы ыктымал. 20-январда кээ бир райондордо кар жааса, 21-январда кайра күн ачылат.

Нарын облусу

18-19-январда түнкүсүн жаан-чачын күтүлбөйт. Ал эми күндүз тоолуу аймактарга кар түшөт.

20-январда түнкүсүн жана эртең менен көпчүлүк аймактарда, күндүз кээ бир райондордо кар жаайт. 21-январда жаан-чачын болбойт.

22-23-январь күндөрүнө карата Кыргызстандагы аба ырайынын жакындатылган божомолу

22-23-январда аба ырайы өзгөрүп турат. 22-январда түнкүсүн Чүй, Талас, Жалал-Абад, Ош, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда кар жаайт. 22-январда күндүз жана 23-январда түнкүсүн көпчүлүк аймактарда, 23-январда күндүз кээ бир райондордо кар жаай турганы айтылды. Абанын температурасы төмөндөйт.

Тема боюнча

Кыштын акыркы айында катуу суук болобу? Февралга карата аба ырайы
Кар көчкү алдында калган адамды канча сааттын ичинде куткарып алса болот
Жаңырган жылдын алгачкы кары. Тазара түшкөн Бишкектин 13 сүрөтү
Белгилер:
кар, жаан-чачын, Кыргызстан, аба ырайы

ЭҢ МААНИЛҮҮ