БИШКЕК, 11-сен. — Sputnik. Ишемби күнү, 11-сентябрда, күндүз облустарда жамгыр жаап, күн күркүрөп, бийик тоолуу райондоруна кар түшөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.
Абанын температурасы Чүй менен Таласта +21…+26, Ош, Жалал-Абад облустарында +25...+30, Баткенде +26...+31, Ысык-Көл аймагында +19...+24, Нарын жергесинде +20…+25 градус болот.
Бул күнү Бишкекте өткүн өтүп, күн күркүрөшү күтүлөт. Ошто күн ачык болот. Күндүн табы борборубузда +22...+24, Ош калаасында +27...+29 градуска жетет.
