БИШКЕК, 4-апр. — Sputnik. 5-апрелде Талас жана Баткендин тоолуу райондорунда кар, калган аймактарында жамгыр жаашы мүмкүн. Башка облустарда күн ачык болот. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Абанын температурасы Чүй, Ош, Жалал-Абад облустарында +20...+25, Таласта +19...+24, Нарын жергесинде +13...+18, Ысык-Көлдө +12…+17 градус жылуу болору айтылды.
Ал эми Бишкек жана Ош шаарларында жаан-чачын күтүлбөйт. Күндүн табы +23...+25 градуска чейин көтөрүлөт.
