БИШКЕК, 16-фев. — Sputnik. Кыргызгидромет агенттиги алдыдагы аптага карата аба ырайынын божомолун таратты.
Маалыматка ылайык, жума ичи мээлүн болуп, аптанын этегинде гана айрым жерлерде күндүн илеби +10 градус жана андан бир аз жогорураак көтөрүлөт.
16-февралда күндүз Чүй, Ысык-Көл облустарынын көпчүлүк аймактарында, Нарын облусунун кээ бир райондорунда, Ош, Жалал-Абаддын тоо этектеринде кар жаашы күтүлүүдө. Талас, Баткен облустарында жаан-чачын жаабайт. Жолдор тоңуп жана тайгалак болот. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши мүмкүн.
17-февралда түнкүсүн Ысык-Көл облусунун чыгышында кар жаашы ыктымал, калган аймактар жаан-чачынсыз. Күндүз бардык облустардын тоолуу аймактарына кар түшөт.
18-19-февралда түнкүсүн көпчүлүк аймактарда мезгил-мезгили менен кар жаашы күтүлүүдө. 19-февралда күндүз Ош, Ысык-Көл, Нарын облустарынын кээ бир райондорунда, Чүй, Жалал-Абад облустарынын тоолуу райондорунда күндүн көзү көрүнбөйт.
20-февралда өлкө боюнча жаан-чачын жаабайт. Абанын температурасы жогорулайт.
