16:46 23 Баш оона 2019
Түз эфир
  • USD69.7882
  • EUR77.2311
  • RUB1.0638
Ысык-Көлдө эс алгандар. Архивдик сүрөт

Жайдын акыркы айы кандай болот? Августка карата аба ырайы

© Sputnik / Табылды Кадырбеков
Кыргызстанда
Кыскача шилтеме алуу
1049010

Кыргызгидромет август айында Кыргызстандын аймактарында аба ырайы кандай боло турганын жарыялады.

Чүй облусунун дыйканчылык аймактарында

Абанын айлык орточо температурасы көп жылдык климаттык норманын чегинде болуп +22…+24 градус, Кемин өрөөнүндө жана тоо этектериндеги райондордо +15…+17 градус жылуу болот. 

© Кыргызгидромет
Кыргызстан боюнча абанын айлык орточо температурасынын божомолу

Ай ичинде абанын температурасы түнкүсүн +15…+20 градус жылуулуктун тегерегинде болуп, күндүз +25…+30 градус ысыктан +32…+37 градус ысыкка чейин өзгөрүлүп турушу мүмкүн. 

© Кыргызгидромет
Кыргызстандын аймактарында жаан-чачындын айлык көлөмүнүн божомолу

Жаан-чачындын айлык көлөмү көп жылдык норманын чегинде болушу күтүлөт (Чүй өрөөнүндө 11-18 мм, тоо этектериндеги райондордо 30-31 мм).

Талас облусунун дыйканчылык аймактарында

Абанын айлык орточо температурасы +18…+20 градустун тегерегинде болот. Ошол эле учурда күндүз +25...+30 градус ысык болсо, түнкүсүн +10...+15 градус жылуу болушу күтүлөт.

Ош, Жалал-Абад жана Баткен облустары

Орточо айлык температура +23…+25 градус ысык болот. Түнкүсүн +15...+20 градус жылуу болсо, күндүз +31...+36 градуска чейин ысыйт. Тоо этектериндеги райондордо ай ичинде абанын температурасы түнкүсүн +10…+15 градус, күндүз +25…+30 градус ысыктын тегерегинде болот. Жаан-чачындын көлөмү нормадан ашпайт.

Ысык-Көл облусу

Ысык-Көлдө августта абанын айлык орточо температурасы +16...+18 градустун тегерегинде болот. Түнкүсүн +10…+15 градус жылуу болсо, күндүз +20…+25 градус ысык болот. Ашыкча жаан-чачын деле күтүлбөйт.

Нарын облусу

Нарын облусунун дыйканчылык аймактарында абанын орточо температурасы +16...+18 градустун тегерегинде сакталат. Түндө +6…+11 градус жылуу болсо, күндүз +20…+25 градуска чейин ысыйт. Бирок август айы жаанчыл болот.

Тема боюнча

Мээ кайнаткан ысык дагы болобу? Бир жумага карата аба ырайы
Ысыкка байланыштуу жумушчу күн кыскартылабы? Министрликтин жообу
Белгилер:
аба ырайы, Кыргызгидромет, Кыргызстан

ЭҢ МААНИЛҮҮ