17:56 14 Тогуздун айы 2019
Түз эфир
  • USD69.8079
  • EUR77.0016
  • RUB1.0846
Пакетики с продуктами и вещами. Архивное фото

Көл аймагына желим баштык менен бөтөлкө алып кирүү боюнча талкуу болот

© Sputnik / Табылды Кадырбеков
Кыргызстанда
Кыскача шилтеме алуу
161 0 0

Парламенттик угуунун 2019-жылдын 1-мартында болору айтылды.

БИШКЕК, 10-фев. — Sputnik. "Ысык-Көл" биосфералык аймагынын зонасынын чегинде полиэтилен пакеттерин жана пластик идиштерди ташып киргизүүгө, өндүрүүгө, сатууга жана пайдаланууга тыюу салуу жөнүндө" мыйзам долбоору боюнча парламенттик угуу өтөт. Бул туурасында ЖКнын сайтында кабарланган.

Жогоруда көрсөтүлгөн мыйзам долбоорлору Кыргыз Республикасындагы "жашыл" экономикага өтүү боюнча Жогорку Кеңештин Коомдук кеңешинин ишинин чегинде иштелип чыккан.

Парламенттик угуу 2019-жылдын 1-мартында болмокчу.

Сайтта Ысык-Көл акваториясынын жаратылышын жана экологиясын коргоо боюнча иштин көңүл чөгөрөрлүк абалы боюнча экологдор, активисттер, жарандык секторлордон түшкөн кайрылуулардын саны өсүп жатканы айтылган.

Аталган кеңеш Ысык-Көл биосфералык аймагынын туруктуу өнүгүшүнө көңүл бурууга, полиэтилен пакеттердин, пластик идиштердин терс таасирин кыскартуу боюнча мыйзам долбоорду талкуулоо чечимин кабыл алган.

"Таңгактоочу материалдардын жаңы өндүрүшүн стимулдаштыруу, жаратылышка зыян келтирбеген тез жок болуучу материалдарды өндүрүүнү, импорттоо үчүн өзгөчө жеңилдиктердин маселелерин талкуулоо күтүлүүдө", — деп айтылат маалыматта.

Билдирүүдө аймакка алып келинген жана колдонулган полиэтилен баштыктардын жана бөтөлкөлөрдүн көпчүлүгү көлдүн жээгинде топтолуп, түбүнө чөгүп калары айтылган.

Көптөрдүн көңүл борборунда турган пластик — нефтини кайра иштеткенден кийинки продукция жана ал чиригенде коркунучтуу заттарды бөлүп чыгарат. Чирүү процесси 50 жылдан 500 жылга чейинки убакытка созулушу мүмкүн.

Тема боюнча

Бишкек кара түтүндөн улам таанылбай калганда. Видео
Адам тамак менен кошо канча пластик жейт? Иликтөө
Белгилер:
мыйзам долбоору, баштык, пластик, бөтөлкө, желим баштыктар, Ысык-Көл, Кыргызстан

ЭҢ МААНИЛҮҮ