00:54 08 Баш оона 2020
Түз эфир
  • USD77.0500
  • EUR91.1694
  • RUB1.0463
Кыргызстанда
Кыскача шилтеме алуу
112010

Жакында эле Жалпы республикалык тестирлөөнүн (ЖРТ) жыйынтыгы чыкты. Анда бүтүрүүчүлөрдүн 42 пайызы "кулап" калды.

Тагыраагы, барьердик болуп эсептелген 110 баллдан жогору ала алышкан жок. Бирок жакшы баалар менен ЖРТнын жогорку баллдары дайыма эле ийлигиктин кепилдиги боло бербейт. Мындай пикирин кыргызстандык министрлер билдиришти.

Атургай айрым өкмөт мүчөлөрү өздөрү мектепте эч качан "отличник" болбогонун айтып, негизгиси курч мүнөз жана умтулуу болушу керектигин кошумчалады.

Өнөр жай, энергетика жана жер казынасын пайдалануу мамлекеттик комитетинин төрагасы Улан Рыскулов:

Председатель Госкомитета промышленности, энергетики и недропользования КР Уланбек Рыскулов во время беседы на радио Sputnik Кыргызстан
© Sputnik / Табылды Кадырбеков
Өнөр жай, энергетика жана жер казынасын пайдалануу мамлекеттик комитетинин төрагасы Улан Рыскулов

— Мектепти "3" жана "4" деген бааларга окугам. "Троечник" болчумун десем дагы болот. Менимче, азыркы ЖРТ системасы кадимки "Миллионер болгуң келеби?" оюнун элестетет. Берилген варианттардан тандайсың. Мурдагы экзамендерде анык билим деңгээли билинчү. Жакшы бааларга толгон аттестат ийгиликтин кепилдиги эмес. Негизгиси мүнөз менен умтулуу.

Билим берүү жана илим министри Гүлмира Кудайбердиева:

Министр образования и науки Кыргызстана Гульмира Кудайбердиева
© Sputnik / Табылды Кадырбеков
Билим берүү жана илим министри Гүлмира Кудайбердиева

— Мектепти жалаң бешке бүтүргөм. Албетте бала окуу программасын толук өздөштүрүп алганы жакшы, бирок жакшы баалар дайыма эле маанилүү боло бербейт. Жошоодо "отличниктерге" караганда, "3кө", "4кө" окуган балдар ийгиликтүүрөк болгон мисалдар аз эмес. Ошондуктан, мектепте баага гана карай бербей, окуучуну маалымат менен иштөөгө, чукул кырдаалдарга чечим кабыл алууга, жоопкерчиликке үйрөтүш керек. Биз акырындык менен ушул багытка бет алуубуз зарыл.

Айыл чарба жана мелиорация министри Нурбек Мурашев:

Министр сельского хозяйства, пищевой промышленности и мелиорации КР Нурбек Мурашев на заседании Координационного совета по макроэкономической и инвестиционной политике при Правительстве Кыргызской Республики.
© Пресс-служба правительства / Сабыр Аильчиев
Айыл чарба жана мелиорация министри Нурбек Мурашев

— Мектепти үч менен бүткөн баладан кийин жакшы адис же жакшы адам чыкпайт деп ойлоо чоң жаңылыштык. Дүйнөдө 2-3кө окуган балдардан мыкты актерлор, кыйын саясатчылар чыккан мисалдар аз эмес. Негизи эле ЖРТда төмөн балл алып калган балдарды дагы "эмне болсоң ошо бол" деп таштап койбошубуз керек. Мамлекет аларга көңүл бурбаса, аргасыздан Россияга кара жумуш издеп тентип кетет.

Өзүм тууралуу айтсам, эч качан отличник болгон эмесмин. Бирок төрткө окучумун. Математика, тарых, география сабактарын жакшы билчүмүн.

Маданият, маалымат жана туризм министри Султанбек Жумагулов:

Бывший директор Общественной телерадиовещательной корпорации КР Султан Жумагулов. Архивное фото
© Sputnik / Расул Усеналиев
Маданият, маалымат жана туризм министри Султанбек Жумагулов

— Мектепти жалаң бешке аяктагам. Жогорку окуу жайга дагы дароо өткөм. Бирок баа шарттуу нерсе. Окуйм деп максат кылгандар сөз жок тилегине жетет. Айрым генийлер араң үчкө окуганы да маалым эмеспи.

Транспорт жана жолдор министри Жамшитбек Калилов:

Министр транспорта и дорог Жамшитбек Калилов  во время присяги
© Пресс-служба правительства / Сабыр Аильчиев
Транспорт жана жолдор министри Жамшитбек Калилов

— Өзгөн районунун Кызыл-Чарба айылындагы мектепти жалаң "5ке" бүтүргөм. Болгону геометрия сабагынан "4" алып калгам. Аттестатымдын көчүрмөсү мектептин музейинде сакталып турат. Кийин политехникалык окуу жайда абдан активдүү студент болдум. Албетте билимге умтулуу абдан жакшы нерсе. Бирок мектептеги бааларың кандай болбосун, ар дайым өзүңдү тарбиялап, эмгек кылсаң сөзсүз ийгиликке жетишесиң.

Маалыматтык технологиялар жана байланыш мамлекеттик комитетинин төрагасы Бакыт Шаршембиев:

Председатель Государственного комитета информационных технологий и связи Бакыт Шаршембиев
© Фото / Пресс-служба ЖК / Ашыркул Оморов
Маалыматтык технологиялар жана байланыш мамлекеттик комитетинин төрагасы Бакыт Шаршембиев

— Талас шаарындагы №3 гимназияны "4" жана "5" деген баалар менен аяктагам. Кийин Раззаков атындагы техникалык окуу жайда окуп жүрүп, 2-курстан тарта эле "Кыргызтелеком" ишканасына практикага бара баштадым. Негизи алган билимиңди дароо практика жүзүндө аткарып көрүү абдан маанилүү. Абитуриенттерге кааларым мектептеги баалар кандай богонуна карабай, жакшы кесиптин ээси болууга аракет кылгыла. Мисалы, мен маалымат технологияларына байланышкан кесипти тандоону сунуш кылам. Учурда өлкөнү өнүктүрүү үчүн бардык тармактарга санариптик технологияларды сүңгүтүп жатабыз. Андыктан бизге мындан ары билимдүү IT адистерге талап күчөйт.

Улуттук коопсуздук мамалекеттик комитетинин төрагасы Идрис Кадыркулов:

Председатель Государственного комитета национальной безопасности Кыргызстана Идрис Кадыркулов
© Пресс-служба президента КР / Султан Досалиев
Улуттук коопсуздук мамалекеттик комитетинин төрагасы Идрис Кадыркулов

— Мектепти "эң жакшы" деген баа менен аяктагам. Болгону немис тили боюнча "4" алчумун. Мектептеги мугалимдерибиз өтө күчтүү болгондуктан, алардан алган билимим университетке өтүүгө, аны ийгилүктүү аяктоого жардам берди. Менимче, баалар эмес, окуучунун мээсине сиңип калган билим маанилүү.

Тема боюнча

Шаарга жаңы келген абитуриенттер үчүн 9 "болбойт"
Университет, академияларды таппай жатасызбы? Өлкөдөгү ЖОЖдордун даректери
Күрөң кунажынды сатып окууга өтүп... Айылдык бүтүрүүчүнүн ыймандай сыры
Белгилер:
тест, кеңеш, абитуриент, министр, баа, ЖРТ, Кыргызстан

ЭҢ МААНИЛҮҮ