БИШКЕК, 12-июн. — Sputnik. Шаршемби күнү тоолуу райондордо өткүн өтүп, күн күркүрөшү күтүлөт. Бул тууралуу Кыргызгидрометтен билдиришти.
Маалыматка ылайык, түштүк-чыгыштан соккон шамалдын ылдамдыгы 4-9 метрге жетет.
Абанын температурасы көтөрүлүп, Чүйдө 30…35 градус ысык болсо, Таласта күндүн табы 27…32 градуска чейин көтөрүлөт. Ош, Баткен жана Жалал-Абадда 31…36 градус ысык болсо, Ысык-Көл менен Нарын облусунда 23…27 градус жылуу болот.
Ал эми Бишкек менен Ошто жаан-чачын күтүлбөйт. Абанын температурасы 32…34 градуска чейин жогорулайт.
