БИШКЕК, 8-июн. — Sputnik. Ишемби күнү көпчүлүк аймактарда өткүн өтүп, күн күркүрөйт. Ал эми тоолуу райондордо кар жаашы күтүлөт. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 4-9 метрге жетет.
Чүй, Ош, Жалал-Абад жана Баткенде 26…31 градус жылуу болсо, күндүн табы Таласта 25…30 градуска чейин көтөрүлөт. Ысык-Көлдө 19…24, Нарын облусунда 20…25 градус жылуу болот.
Бишкек менен Ош шаарларында да күн күркүрөп, термометр 28…30 градусту көрсөтөт.
