Алдыдагы үч күндө аба ырайы бузулуп, жаан карга айланат

© Sputnik / Максим Блинов / Медиабанкка өтүүПовседневная жизнь
Повседневная жизнь - Sputnik Кыргызстан
Жазылуу
Мындай аба ырайы кышкы жайыттарда малды кармоону кыйындатат

БИШКЕК, 13-мар. — Sputnik. 13-марттан 16-мартка чейин күн сууктап, мезгил-мезгили менен жаан жаап, айрым аймактарда кар түшөт. Бул тууралуу ӨКМ билдирди.

Ага ылайык, 14-мартта күндүз жана 15-16-мартта Чүй, Талас өрөөндөрүндө жана тоо этектеринде жаан карга айланат.

Тоолуу райондордо жана тоо этектеринде зымдарга жана бактарга суу кар жабышып, жолдор тоңуп тайгалак болот.

Празднование национального праздника Нооруз в Бишкеке - Sputnik Кыргызстан
Кыргызстандыктар Ноорузга карата бир күн эс алат
Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетет.

14-17-мартта абанын температурасы төмөндөп, түнкүсүн Чүй, Талас өрөөндөрүндө 6 градуска чейин суук, күндүз 5 градуска чейин жылуу болот. Ош, Жалал-Абад, Баткен облустарынын дыйканчылык аймактарында түнкүсүн 1 градус сууктан 4 градуска чейин жылуу, күндүз 4…9 градус жылуу болот. Тоо этектеринде жана Ысык-Көл ойдуңунда түнкүсүн 2…7 градус суук, күндүз 5 градуска чейин жылуу болору айтылды. Нарын облусунун дыйканчылык аймактарында түнкүсүн 8…13, күндүз 1…6 градус суук, бийик тоолуу райондордо түнкүсүн 20…25 градуска чейин суук болсо, күндүз сууктун күчү 10 градуска чейин жетет.

Мындай аба ырайы кышкы жайыттарда малды кармоону кыйындатат.

Жаңылыктар түрмөгү
0