БИШКЕК, 8-июл. — Sputnik. Жекшемби күнү жаан-чачын күтүлбөйт, кээ бир аймактарда ысык 42 градуска жетет. Бул тууралуу Кыргызгидромет билдирди.
Ага ылайык, шамалдын багыты өзгөрүлүп турат, ылдамдыгы секундасына 1-6 метрге жетет.
Ысык-Көл, Нарын облустарынын кээ бир райондорунда, Алай өрөөнүн чыгышында жана Кыргыз тоо кыркаларында өткүн өтүп, күн күркүрөшү, бийик тоолордо кар жаашы күтүлөт, калган аймактарда жаан-чачын күтүлбөйт.
Чүй менен Талас өрөөнүндө 36…41 градус, Ош, Жалал-Абад жана Баткен облустарында 37…42 градус, Ысык-Көл менен Нарында 28…33 градус ысык болот.
Ош жана Бишкек шаарларында болсо күн ачык болуп, ысыктыгы 41 градустан ашат.
