БИШКЕК, 4-май. — Sputnik. Жума күнү өлкө аймагында күн ачык болот. Бул тууралуу Кыргызгидрометтен билдиришти.
Маалыматка ылайык, бийик тоолуу райондордо жолдор тайгак болуп, түштүк-чыгыштан соккон шамалдын ылдамдыгы секундасына 2-7 метрге жетет.
Чүй, Талас облустарында 22…27 градус, Ош, Жалал-Абад жана Баткенде 24…29 градус, Ысык-Көл облустунда 14…19, Нарында 17…22 градус жылуу болот.
Ош шаарында күн 26-28 градуска, ал эми Бишкекте 25-27 градуска чейин жылуу болушу болжолдонуп жатат.
