БИШКЕК, 30-апр. — Sputnik. 1-май күнү өлкө аймагында күндүз жаан жаап, күн күркүрөй турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Бишкекте күн 16…18 градуска чейин жылыса, Ош шаарында 17…19 градус жылуу болот. Ал эми Чүй, Ош, Жалал-Абад, Баткен облустарында күндүн табы 14…19 градуска чейин жогорулай турганы болжолдонуп жатат. Таласта 12…17, Ысык-Көл менен Нарын дубандарында 8…13 градус жылуу болору айтылды.
