Депутаттар мал көмүлгөн жерди жайыт катары пайдаланууга каршы чыгууда

© Sputnik / Александр Кондратюк / Медиабанкка өтүүТалаадагы уйлар. Архив
Талаадагы уйлар. Архив - Sputnik Кыргызстан
Жазылуу
Азырынча мал-жандык көмүлгөн жерге мал жайгандар үчүн эч кандай жаза каралбайт.

БИШКЕК, 3-апр. — Sputnik. Кыргызстанда мал көмүлгөн жерди жайыт катары пайдалангандарды айыпка жыгуу сунушталып жатат. Административдик кодекске киргизилүүчү өзгөртүүлөр коомдук талкууга коюлду.

Уй. Архив - Sputnik Кыргызстан
Малды идентификациялоо ишине 40 миллион сом жумшалды
Мыйзам долбоорун демилгелеген Жогорку Кеңештин үч депутаты кыргыз-казак чек арасындагы ветеринардык-санитардык көзөмөлдү алуу малды идентификацилоодогу кемчиликтерди жоюудан көз каранды экенин эскертишүүдө.

Мында ЕАЭБ органдарынын текшерүүсүнө ылайык, өкмөт республикадагы эпизоотикалык абалды көзөмөлдөө системасын иретке келтирүүдө тийиштүү деңгээлде активдүүлүгүн көрсөтпөй келет.

"Мал көмүлгөн жерди жайыт катары пайдалангандар беш миң сом өлчөмүндөгү айып тартат. Ветеринардык-санитардык, биологиялык калдыктарды жок кылуу эрежелерин бузган жеке жактар беш миң сом, юридикалык жактар жана кызмат адамдары 10-15 миң сом айыпка жыгылат", — деп айтылат мыйзам долбоордо.

Демилгечилер азырынча Кыргызстанда мал-жандык көмүлгөн жерге мал жайгандар үчүн эч кандай жаза каралбаганын белгилешүүдө.

Жаңылыктар түрмөгү
0