БИШКЕК, 29-янв. — Sputnik. Дүйшөмбүдө республиканын айрым аймактарында кар жаап, жолдор тайгак болот. Бул тууралуу Кыргызгидромет кабарлады.
Маалыматка караганда, Ош, Жалал-Абад облустарында зымдарга жана бактарга суу кар жармашат. Жолдор тайгак, тоңголок болуп, тоолуу аймактарда кар күрткүсү пайда болот.
Батыштан соккон шамалдын ылдамдыгы кээ бир райондордо секундасына 15-20 метрге чейин жетет.
Бишкек менен Ош шаарларында түнкүсүн 3, ал эми күндүз 7 градуска чейин жылуу болот.
Калган аймактарда —1 градустан 7 градуска чейин жылуу болушу күтүлөт.
