БИШКЕК, 23-янв. — Sputnik. The Global Talent Competitiveness Index — 2017 (GTCI, таланттардын атаандаштыкка жөндөмдүүлүгү рейтинги) рейтингинде Кыргызстан дүйнө жүзү боюнча 87-орунду, Азия боюнча 3-орунду ээледи. Бардыгы болуп иликтөөгө 118 мамлекет катышкан.
Изилдөөлөрдүн жыйынтыгына караганда, Кыргызстанда ишкерлик кылууга ыңгайлуу шарттар түзүлүп, мунун артынан кесипкөй адистерди тартууга мүмкүнчүлүктөр бар.
Орто Азия боюнча Казакстан алдыда (53-орун). Ал эми Өзбекстан, Тажикстан жана Түркмөнстан көрсөтүлгөн эмес.
2017-жылы таланттуу кызматкерлерди эң кызыктырган өлкө Швейцария экени аныкталды. Андан кийин Сингапур, Улуу Британия, АКШ жана Швеция турат. Ошондой эле лидерлер ондугуна Австралия, Люксембург, Дания, Финляндия жана Норвегия кирди.
