БИШКЕК, 21-янв. — Sputnik. Келе жаткан аптанын башында өлкөдө катуу суук боло турганы Кыргызгидромет тараткан билдирүүдө айтылды.
Кыргызстандын айрым аймактарында кар калың түшөт. Жолдор тоңуп, тайгалак болот. Шамалдын багыты өзгөрүлүп, секундасына 15-20 метрге чейин жетиши мүмкүн.
24-25-январь күндөрү күндүн суукташы күтүлөт:
Чүй облусунда 13 градуска чейин төмөндөп, түнкүсүн 15 градуска чейин суук болот.
Ош, Жалал-Абад, Баткен облустарында түнкүсүн —8 болсо, күндүз 1 градуска чейин жылыйт.
Ысык-Көлдө түнкүсүн —12 градуска чейин суук болуп, күндүз —6 градуска төмөндөйт.
Ал эми Нарында түнкүсүн —30 градуска чейин төмөндөп, күндүз —18 градуска чейин жетет.
