Кыргызстанга боордогу мителерди аныктаган УЗИ аппараты алып келинди

© Фото / пресс-служба Минздрав КРГуманитарная помощь для ранней диагностики эхинококкоза и альвеококкоза в КР
Гуманитарная помощь для ранней диагностики эхинококкоза и альвеококкоза в КР - Sputnik Кыргызстан
Жазылуу
Швейцариядан келген медициналык аппарат Алай жана Кочкор райондоруна бөлүндү.

БИШКЕК, 23-ноя. — Sputnik. Саламаттык сактоо министрлиги эхинококкоз жана альвеококкоз ооруларын алгачкы баскычта аныктоо үчүн үчүн Цюрих университетинин (Швейцария) финансылык колдоосу менен үч даана УЗИ жабдыктарын гуманитардык жардам катары алды. Бул тууралуу аталган министрлик билдирди.

Маалыматка ылайык, ар бир жабдык 30 миң долларга бааланган. Алар Алай жана Кочкор райондорундагы үй-бүлөлүк дарыгерлердин борборуна жана Улуттук хирургиялык борборуна бөлүнүп берилди.

"УЗИ аппараттары бейтаптар үчүн акысыз. Эхинококкоз жана альвеококкоз дарттарын гана эмес, паренхиматоздук органдардын патологияларын аныктап чыгат. Бул жадыкты пайдалануу менен оорулардын алдын алуу менен элдин саламаттыгын чыңдоого жардам берет", — деди министрдин орун басары Олег Горин.

Мындан тышкары, аталган жабдыктардан сырткары Цюрих университети менен Ооруларды алдын алуу жана мамлекеттик санитардык-эпидемиологиялык көзөмөл департаменти Алай, Кочкор райондорунда эхинококкоз жана альвеококкоз ооруларын дарылоо боюнча долбоордун программасын иштеп чыккан.

Жаңылыктар түрмөгү
0