БИШКЕК, 5-окт. – Sputnik. Президент Алмазбек Атамбаев беш жарлыкка кол койду. Анын төртөө Кыргызстандын жарандыгын берүү болсо, бирөө жарандыкты алуу боюнча экендигин өлкө башчынын маалымат кызматынан кабарлашты.
Аталган төрт жарлыкка ылайык, 668 жаран Кыргызстандын жарандыгын алышты. Алардын көпчүлүгү Өзбекстан менен Тажикстандын жараны болуп келген этникалык кыргыздар болуп эсептелет.
Жаңы жарандардын арасында Кыргызстанга отурукташып калган Кытай менен Украинанын жарандары дагы бар.
Ал эми бешинчи жарлыкка ылайык президент 114 адам Кыргызстандын жарандыгынан чыккандыгын бекитти.
