17:25 23 Тогуздун айы 2019
Түз эфир
  • USD69.8230
  • EUR77.6292
  • RUB1.0944
Кыргыз Республикасынын жаранын паспорту, архивдик сүрөт

Бир жылдан кийин 2,5 млн. ID карта биометрикалык паспортко алмаштырылат

© Sputnik / Табылды Кадырбеков
Кыргызстанда
Кыскача шилтеме алуу
32710

Каттоо кызматы жергиликтүү бийлик, район, облус администрациялары жана мэриялар менен тыгыз иш алып бара турганын белгиледи.

БИШКЕК, 29-сен. — Sputnik. Кийинки жылдын 1-октябрына карата 2,5 миллион ID карта электрондук биометрикалык паспортко алмаштырылат. Бул тууралуу Мамлекеттик каттоо кызматынын жетекчиси Тайырбек Сарпашев мекемеде өткөн жолугушуу учурунда айтты.

Маалыматка ылайык, жыйында өкмөт аппаратынын өкүлдөрү менен жергиликтүү өзүн-өзү башкаруу жана этникалык мамилелер боюнча мамлекеттик агенттиктин директору катышып, электрондук идентификациялык карталарды киргизүү маселеси талкууланды.

Сарпашевдин айтымында, жыл аягына чейин даярдык иштердин баары соңуна чыгат.

"Кийинки жылдын 1-октябрына чейин 2,5 миллионго чукул ID карталарды биометрикалык паспортко алмаштыруу пландалып жатат. Негизги иш жаңы жылдан тарта башталат. Албетте, мындай кыска аралыкта муну иш жүзүнө ашырууга мүмкүн эмес дегендер да чыгат, бирок биометрикалык маалымат чогултуу жараяны бизге чоң тажрыйба берди", — деди жетекчи.

Сарпашев аталган жаатта Каттоо кызматы жергиликтүү бийлик, район, облус администрациялары жана мэриялар менен тыгыз иш алып бара турганын белгиледи.

Жаңы биометрикалык паспорттун кандай болорун Sputnik Кыргызстан агенттиги даярдаган инфографикасынан көрсөңүз болот>>

Тема боюнча

Паспорт баасы үч эсеге жогорулады
Ооруңду колдон алган кызматтар. Мамлекеттик сайттардын пайдасы
Белгилер:
ID-карт, каттоо, паспорт, Тайырбек Сарпашев

ЭҢ МААНИЛҮҮ