15:21 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
Көп кабаттуу үй. Архив

Бишкектин борбордук бөлүгүндөгү эски үйлөр кандайча түрттүрүлөт? 10 суроо-жооп

© Sputnik / Табылды Кадырбеков
Кыргызстанда
Кыскача шилтеме алуу
Депутаттар Бишкектин борборундагы эски үйлөрдү түрттүрүүнү демилгелөөдө (7)
145 0 0

Сунушталып жаткан мыйзам долбооруна ылайык, калаанын борборундагы эски имараттар кантип жо кылынат? Компенсация маселеси эмне болот? Үйдү түрттүрүү боюнча чечимдин үстүнөн арызданууга болобу? Бул тууралуу Sputnik Кыргызстан агенттигинин материалынан окуңуздар.

"Ата Мекен" фракциясы Бишкектин борборунда жайгашкан эски имараттарды түрттүрүп, ордуна заманбап курулуштарды куруу боюнча мыйзам долбоорун коомдук талкууга койду. Анткен менен аталган демилгеге нааразы болгондор арбын. 

Аталган мыйзам долбоору боюнча көп берилчү суроолорго демилгечилер жооп беришти. 

Эмне үчүн эски имараттарды түрттүрүү керек?

Эски үйлөрдү Бишкек шаарынын тарыхый борборунун көрүнүшүн жаңылоону тездетүү үчүн бир түрдүү жана комплекстүү архитектуралык стилди сактоонун негизинде жаңы заманбап имараттардын курулушун тартипке келтирүү максатында түрттүрүлөт. Шаарда самандан салынган үйлөрдү кездештирүүгө болот. Бул инвесторлорду тартууга тоскоолдук жаратууда. 

Кайсыл аймактагы эски имараттарды түрттүрүү сунушталууда?
Жалпы аянты 1,5 гектарды түзүп, Карпинский, Линейный көчөлөрү, Жибек-Жолу проспектиси жана Жаш Гвардия бульвары менен чектелет. Аталган аймактагы 1996-жылга чейин курулган эски үйлөр, имараттар түрттүрүлөт. Ал эми үй ээлерине компенсация төлөнөт. 

Демилгечи ким?
Мыйзам долбоору "Ата Мекен" фракциясынын айрым депутаттары тарабынан иштелип чыккан. Эски имараттарды түрттүрүү демилгеси Бишкек мэриясына жана Бишкек шаардык кеңешине таандык. 

Бааны ким бычат?
Мамлекеттик атайын органдар жана көз карандысыз риэлтордук компания баалайт. 

Компенсацияны ким төлөйт?
Мамлекеттик же жергиликтүү бюджет. Мындан сырткары, жерди сатып алуу укугуна ээ болгон инвестор.

Түрттүрүүгө Ак үй менен музейлер туш болобу?
Жок. Тизмекке маданий мурастар, тарыхый эстеликтер, театр, музейлер, мамлекеттик жана муниципалдык менчиктеги имараттар кирбейт. 

Чечимдин үстүнөн арызданууга болобу?

Ооба. Эгерде компенсациянын баасы жер ээсин канааттандырбаса, сотко кайрылса болот. 

Түрттүрүлө турган объектилердин тизмегин ким түзөт?
Бишкек шаарынын башкы планынын негизинде атайын комиссия аныктайт. Андан соң мэрия тизмени шаардык кеңешке жиберет.

Менин үйүм тизмеге кирген-кирбегенин кантип билсем болот?
Мэрия тизмекти ММКлар аркылуу жарыялайт. 

Кайсыл учурда компенсация төлөнбөйт?
Эгерде менчиктин кайсыл бир бөлүгүнө мамлекет ээлик кылса, ошол бөлүккө акча төлөнбөйт. 

Эске сала кетсек, мыйзам долбоору парламентте талкууга алына элек. Азырынча коомдук талкууга гана коюлду.

Депутаттар түрттүрүүгө сунуштап жаткан эски үйлөрдүн картасын Sputnik Кыргызстандын инфографикасынан көрө аласыздар>>

Тема:
Депутаттар Бишкектин борборундагы эски үйлөрдү түрттүрүүнү демилгелөөдө (7)

Тема боюнча

ЖКда Бишкектин борбордук бөлүгүндөгү эски үйлөрдү түрттүрүү демилгеленди
"Жеткиликтүү турак жай" мамлекеттик программасынын алкагында тогуз адам үйлүү болду
Белгилер:
түрттүрүү, батир, мыйзам долбоору, Бишкек

ЭҢ МААНИЛҮҮ