ОШ, 26-мар. — Sputnik. Ош шаардык кеңешке мөөнөтсүз шайлоо башталды.
Ош шаардык аймактык шайлоо комиссиясынын төрагасы Абдижалил Муратовдун маалыматында мөөнөтсүз добуш берүү үчүн Ош шаары боюнча 1162 арыз келип түшкөн.
Ал эми Бабур атындагы Ош мамлекеттик музыкалуу драма театрындагы №5901 шайлоо участкасынын төрагасы Кубанычбек Сулайманов аталган участокко мөөнөтсүз добуш берүүгө 27 адамдан катышарын билдирди.
"Мөөнөтсүз шайлоону өткөрүүчү топ техникалык жабдуулары менен чыгып кетти. Биздин аймакта 27 адам бүгүн добуш берет", — дейт Сулайманов.
Мында шайлоочунун жашыруун добуш берүү укугу сакталып, анын бюллетени конвертке бекитилип, сейфте сакталып, санак башталганда байкоочулардын катышуусу менен ачылат.
Эскерте кетсек, эртең 27-мартында жергиликтүү кеңештерге шайлоо алты шаар менен 20дан ашуун айыл өкмөттөрүндө өтөт. Анда биометрикалык маалымат тапшырган 265 миң жаран добуш берет.
Ош шаардык кеңешке депутат болчу талапкерлердин тизмесин Sputnik инфографикасынан көрүңүз>>
