Жаныбарлар дары-дармегин эми ветеринария жаатындагы мамлекеттик орган каттайт

© Sputnik / Табылды КадырбековВетеринар жумуш учурунда. Архив
Ветеринар жумуш учурунда. Архив - Sputnik Кыргызстан
Жазылуу
Тиешелүү мыйзамга президент Алмазбек Атамбаев бүгүн кол койду. Документ расмий жарыяланган күндөн тартып он күн өткөндөн кийин күчүнө кирет.

БИШКЕК, 6-янв. — Sputnik. Жаныбарлар дары-дармегин мамлекеттик каттоодон өткөрүү боюнча саламаттык сактоо жаатындагы ыйгарым укуктуу мамлекеттик органдын укуктары кыскартылып, ал ченемдер ветеринария жаатындагы ыйгарым укуктуу мамлекеттик органга ыйгарылды. 

Бүгүн президент Алмазбек Атамбаев "Дары-дармек каражаттары жөнүндө" мыйзамына өзгөртүүлөрдү киргизүү тууралуу" мыйзамга кол койду.

Аталган мыйзам Жогорку Кенеш тарабынан 2015-жылдын 26-ноябрында кабыл алынган.

Окумуштуулар биринчи жолу бейтапты ак кандын оор түрүнөн айыктырышты
Документ жаныбарларды дарылоодо пайдаланылган дары-дармек каражаттарын мамлекеттик каттоодон өткөрүү, сапатын, натыйжалуулугун, коопсуздугун экспертизалоо жаатында өкмөттүн, саламаттык сактоо жана ветеринария жаатындагы ыйгарым укуктуу мамлекеттик органдарынын укуктарын аныктоо жана тактоо максатында кабыл алынган.

Киргизилген өзгөртүүлөргө ылайык эми жаныбарларды дарылоодо пайдаланылган дары-дармек каражаттарын мамлекеттик каттоодон өткөрүү боюнча саламаттык сактоо жаатындагы ыйгарым укуктуу мамлекеттик органдын укуктары кыскартылып, ал ченемдер ветеринария жаатындагы ыйгарым укуктуу мамлекеттик органга ыйгарылат. 

Мындан тышкары, дары-дармек каражаттарын маркировкалоо жана жол-жоболоо өкмөт тарабынан белгиленген ченемдик документтердин талаптарына жооп берүүгө милдеттүү болот. 

Муну менен бирге эгер ветеринардык дары-дармектер катталса же Кыргызстандын аймагына алып кирүүгө жана ветеринардык практикада колдонууга уруксат берилген дары-дармектердин тизмегине киргизилсе, аларды Кыргызстанда өндүрүү, сатып өткөрүү жана колдонуу ветеринария жаатындагы ыйгарым укуктуу мамлекеттик органы тарабынан жүзөгө ашырылат.

Мыйзам расмий жарыяланган күндөн тартып он күн өткөндөн кийин күчүнө кирет.

Жаңылыктар түрмөгү
0