18:04 22 Аяк оона 2021
Түз эфир
  • USD84.8000
  • EUR99.5001
  • RUB1.1635
Кыргызстанда
Кыскача шилтеме алуу
7 0 0

Муну менен бирге өрт өчүрүүчүлөр менен куткаруучулар 46 адамдын өмүрүн жана бир миллиард сомдук буюм-терим сактап калышкан.

БИШКЕК, 2-ноя. — Sputnik. Жыл башынан өрт кырсыгынан 36 чоң киши жана төрт наристе каза болгонун ӨКМ билдирди.

Маалыматка ылайык, үстүбүздөгү жылдын 10 айынын аралыгында республика боюнча 3384 өрт кырсыгы катталган. Бул былтыркы жылдын ушул мезгилине салыштырмалуу 9,7 пайызга аз экени белгилүү болду.

Министрлик көз жумгандардан тышкары кырсыктан 46 адам жана дагы төрт бала жабыркаган. Ал эми келтирилген материалдык зыяндын көлөмү 229 миллионду түзгөн. Андан сырткары, 86 унаа күйүп кетсе, 3707 тонна чөп жок болгон. 42 баш мал өрткө кабылып, 48 имарат түп-орду менен жок болгон. 

Муну менен бирге өрт өчүрүүчүлөр менен куткаруучулар 46 адамдын өмүрүн жана бир миллиард сомдук буюм-терим сактап калышкан. 

Министрлик өрттүн негизги себеби от менен болгон этиятсыз мамиле экенин белгилейт. Кырсыктын 26 пайызы электр жабдыктары менен пайдалануунун эрежесин билбегендиктен келип чыкса, балдардын от менен шоктугунан 9,5 пайызы болот. Меш менен морлордун туура эмес түзүлүшү, аларды туура эмес пайдалануудан өрттүн 5,8 пайызы жаралат. 

Жалпы өрттүн 48,8 пайызы турак-жайларда чыгары маалым болду.

Тема боюнча

Өрттөн улам жарыксыз калган аймактарга электр энергиясы берилди
Белгилер:
Кыргызстан, ӨКМ, өрт, кырсык

ЭҢ МААНИЛҮҮ