Мөӊгүлөрдүн тагдырын чечкен Суу кодекси экинчи окууда добуш берүүгө жөнөтүлдү

© AFP / VYACHESLAV OSELEDKOКумтөрдүн мөңгүлөрү. Архив
Кумтөрдүн мөңгүлөрү. Архив - Sputnik Кыргызстан
Жазылуу
Кыргызстанда "Суу Кодексине" толуктоолор киргизилиши менен "Кумтөр" алтын кенинин, ири Давыдов мөңгүсүнүн жана башка мөңгүлөрдүн тагдыры ары же бери болгону турат.

БИШКЕК, 25-июнь — Sputnik. Жогорку Кеңеште "Кумтөр" кениндеги мөӊгүлөрдү башка жерге көчүрүп, кенди ачык ыкма менен иштетүүгө уруксат бере турган Суу кодексине толуктоолорду киргизүү боюнча мыйзамдын долбоору экинчи окууда добуш берүүгө жөнөтүлдү. Бул туурасында ЖКнын маалымат кызматы билдирди. 

Алтын изилдөө иштери. Архив - Sputnik Кыргызстан
Кумтөрдүн иши мыйзам чегинде көзөмөлгө алынат
Айыл чарба жана мелиорация министринин пикиринде байлыктарды иштетип жаткан ишканалардын ырааттуу иш алып баруусуна өбөлгө түзөт.

Геология жана минералдык ресурстар боюнча агенттик "Кумтөр" кени жер алдынан иштетиле баштаса, кендин рентабелдүүлүгү кескин төмөндөп кетерин билдирет. Ошондой эле кен иштетилген жер кыртышы бошоңдоп калгандыктан, ири каражат жумшоого туура келет. 

Вице-премьер-министр Тайырбек Сарпашевдин пикиринде, эгер "Кумтөр" кениндеги мөӊгүлөрдү башка жерге көчүрүүгө уруксат берилбесе, кенден да, Давыдов мөӊгүсүнөн да айрылып калышыбыз мүмкүн.

"Эгер "Кумтөрдөгү" иш токтоп калса,  кен иштетилип жаткан жерди муз басып калат. Мамлекеттик бюджет 5,5 млрд. сом жоготот. Андан сырткары, кыйыр түшө турган каражаттар да бар", — деп кошумчалады ал. 

"Кумтөр" кениндеги мөӊгүлөрдү көчүрүү демилгеси боюнча бир катар кайчы пикирлер айтылды. Айрым депутаттардын көз карашында, бир ишкана үчүн эки мөӊгүнү жок кылуунун зарылдыгы жок. 

Кумтөр кени. Архив - Sputnik Кыргызстан
Сариев Кумтөр боюнча кеңешме өткөрдү
Жыйынтыгында, депутаттар "КРдин Суу кодексине толуктоолорду киргизүү жөнүндө" мыйзамдын долбоору боюнча чечимди добуш берүү аркылуу кабыл алуу пикирине келишти.

Давыдов мөӊгүсүнүн жалпы көлөмү 600 млн. куб/метр. Акыркы 20 жыл аралыгында "Кумтөрдөгү" мөӊгүнүн 125 млн. куб/метри башка жерге которулган. Азыр аталган мөӊгү Нарын дарыясынын 0,48 пайыз суусун берет.

Жаңылыктар түрмөгү
0