Ош шаары: 2015-жылы бир нече социалдык объектилер бүткөрүлөт

© Фото / пресс-служба мэрии города ОшСтроительство эстакадного моста в городе Ош
Строительство эстакадного моста в городе Ош - Sputnik Кыргызстан
Жазылуу
Учурда Жогорку Кеңеш жана Өкмөт менен биргеликте Ош шаарына бир катар обьектилерди курууга акча каражатын бөлдүрүү максатында сүйлөшүүлөр жүрүп жатат.

Бишкек, 15-фев. — Sputnik. Ош шаарында 2015-жылы жергиликтүү бюджеттин эсебинен үч социалдык мекеме, канализациялар курулуп, бир катар жолдор асфальттоодон өткөрүлүп, пайдаланууга берилет. Бул тууралуу Ош шаарынын мэриясынын маалымат кызмати билдирди.

Ош шаарынын вице-мэри Жапарбек Ормоновдун айтымына караганда, жылдын биринчи жарымында Жапалак айылдык башкармалыгынын Тээке, Гүлбаар айылдарына 120 орундуу бала бакча курулуп, шаардагы №13 балдар бакчасынын имараты эскилиги жеткендигине байланыштуу түп тамырынан бузулуп, кайрадан салынат. Ошондой эле, Амир-Темур аймактык кеңешиндеги 90 орундуу балдар бакчасынын курулушу бүткөрүлөт жана ушул аймактык кеңешке бир ФАПтын курулушу башталат.

“2014-жылы Ош шаарынын мэри Айтмамат Кадырбаев эл менен болгон жолугушулардагы суроо-талаптарды аткарып, шаардагы 27 үй-бүлөлүк жатаканаларды, 45 көп кабатуу үйлөрдү жылуулук системаларына улатып, 13 жаңы откана алынып келинди. Анын тогузу жергиликтүү бюджеттин, төртөө мамлекеттик бюджеттин эсебинен алынды. Мындан сырткары эки бала бакчасынын имараты курулуп, пайдаланууга берилди. Электр тармагындагы эскилиги жеткендери алмаштырылып, 74 көмөк чордондор алынды. Биз жасай турган иштерибизди алдын ала айтпайбыз. 2014-жылды эл өзү көрүп баалап алган сыяктуу эле, быйылкы жылы кандай иштер аткарылаарын элге шардана кылбай жатабыз убагы келгенде баарын көрүп билип алышат”, — деди Ормонов.

Вице-мэр Ормонов 2015-жылы социалдык объектилерди куруу менен катар эле жаңы жолдордуу ачуу, Ленин көчөсүн улай асфальттоо, шаардын ортосунда жайгашкан үйлөрдү конализацияларга улоо иштери каралгандыгын кошумчалады. Мындан сырткары 6000 куб/метр суу сактоочу резервуардан экөө жаңыдан курулуп, бирөө капиталдык ремонттон өткөн соң пайдаланууга берилмекчи. Жылуулук тармагына да жаңы заманбап алты отказандар алынып келинет. Мындан сырткары, азыркы учурда Жогорку Кеңеш жана Өкмөт менен биргеликте Ош шаарына бир катар обьектилерди курууга акча каражатын бөлдүрүү максатында сүйлөшүүлөр жүрүп жатат. 

Жаңылыктар түрмөгү
0