Октябрь РИИБдин жетекчиси көп балалуу аялдан акча талап кылган деп кармалды

© Фото / пресс-служба УВД Нарынской областиОктябрь райондук ички иштер башкармалыгынын башчысы Уланбек Аалиев. Архив
Октябрь райондук ички иштер башкармалыгынын башчысы Уланбек Аалиев. Архив - Sputnik Кыргызстан, 1920, 22.10.2021
Жазылуу
Жазык кодексинин бир нече беренеси менен Октябрь райондук ички иштер башкармалыгынын башчысы Уланбек Аалиев, тергѳѳ кызматынын мурдагы орун басары Талгат Куватбеков жана тергѳѳчү Айсулуу Рамазан кызы колго түшүрүлгөн.
БИШКЕК, 22-окт. — Sputnik. Бишкекте коррупцияга шектелип Октябрь райондук ички иштер башкармалыгынын башчысы Уланбек Аалиев жана эки кызматкери кармалды. Бул тууралуу Жогорку прокуратуранын маалымат кызматы кабарлады.
Билдирмеге караганда, прокуратура тарабынан Октябрь РИИБинде кыйноо, опузалап пара алуу жана кызмат абалынан кыянаттык менен пайдалануу фактылары аныкталган.
"Октябрь райондук ички иштер башкармалыгынын айрым кызматкерлери алдын ала сүйлөшүп, кызмат абалынан пайдалануу менен сотко чейинки ѳндүрүш иштери боюнча А.Т. аттуу жаранды камакка алуу шылтоосу менен ага моралдык жана психикалык кысым кѳрсѳтүшкөн. А.Т. аттуу аялдын көп балалуу, жалгыз бой эне болгондугуна карабай себеби жок ички иштер башкармалыгына чакыртып, опузалап ири ѳлчѳмдѳ пара талап кылышкан", — деп жазылат маалыматта.
Ага ылайык Жазык кодексинин 143-беренеси ("Кыйноолор"), 320-беренесинин 2-бөлүмү ("Кызмат абалынан кыянаттык менен пайдалануу") жана 326-беренесинин 2-бөлүмү ("Опузалап пара алуу") боюнча сотко чейинки өндүрүш иштери башталган.
Кишен. Архив - Sputnik Кыргызстан, 1920, 20.10.2021
Айдоочулардан акча алган. "Достук" пункту менен Чек ара жетекчилери кармалды
"21-октябрда Аскер прокуратурасынын тергѳѳ тобу тарабынан Октябрь райондук ички иштер башкармалыгынын башчысы Уланбек Аалиев, тергѳѳ кызматынын мурдагы орун басары Талгат Куватбеков жана тергѳѳчү Айсулуу Рамазан кызы кармалып, УКМКнын убактылуу кармоочу жайына киргизилген", — деп жазылат билдирмеде.
Учурда сотко чейинки ѳндүрүш иштери боюнча тергѳѳ жүрүп жатканы кошумчаланды.
Жаңылыктар түрмөгү
0
Алгач жаңыларыАлгач эскилери
loader