Футбол: Азия кубогуна тандоо оюндары борборлоштурулган форматта өтөт

© Sputnik / Табылды КадырбековКыргызстандын курама командасынын футболчулары беттеш учрунда. Архив
Кыргызстандын курама командасынын футболчулары беттеш учрунда. Архив - Sputnik Кыргызстан, 1920, 21.10.2021
Жазылуу
Азия футбол конфедерациясы бул оюндарды өткөрүүгө даяр болгон өлкөнүн арызын кабыл алууга даяр. Бирок белгилүү талаптар бар.
БИШКЕК, 21-окт. — Sputnik. 2023-жылы өтүүчү Азия кубогуна тандоо оюндары борборлоштурулган форматта өтөт. Бул тууралуу Кыргызстандын футболдук союзунун маалымат кызматы билдирди.
Азия футбол конфедерациясынын (АФК) Аткаруучу комитети мындай чечимди COVID-19 пандемиясына байланыштуу көйгөйлөрдөн улам кабыл алган. Мында "өз үйүндө — конокто" ойноо форматы четке кагылат. Бул чечим бардык командалардын коопсуздугу үчүн кабыл алынганы айтылууда.
Тандоо турунун тайпалык оюндары 2022-жылдын 8-11 жана 14-июнь күндөрү өтөт. Мелдеш 2023-жылдын 1-июнунан 16-июлуна чейин Кытайда болмокчу.
Футболдук союз билдиргендей, АФК бул оюндарды өткөрүүгө даяр болгон өлкөнүн арызын кабыл алууга даяр. Бирок белгилүү талаптар бар.
Кыргызстандын футбол боюнча курама командасынын оюнчулары. Архив - Sputnik Кыргызстан, 1920, 16.09.2021
Кыргызстандын футбол командасы FIFA рейтингинде алдыңкы жүздүккө илинди
Маселен, КФС бул беттештерди Бишкекте өткөрүүнү кааласа, анда ал ден соолук жана коопсуздук протоколдору менен стандарттарынын сакталышын камсыз кылуу үчүн бир катар талаптарды аткарышы керек.
Буга бардык катышуучу командалар үчүн саякат жана карантин чектөөлөрү, кабыл алуучу өлкөдөгү эпидемиологиялык абал, беттештер үчүн жетиштүү жайлар жана мелдешке катышкан бардык командалардын оюнчуларын COVID-19га каршы милдеттүү түрдө тесттен өткөрүү мүмкүнчүлүгү каралат. Мындан сырткары, мелдеш AФКнын медициналык кызматкеринин тыкыр көзөмөлү астында өтүшү шарт.
Белгилей кетсек, Азия кубогуна тандоо турунда чүчү кулактын жыйынтыгы боюнча ар биринде төрт командадан турган алты тайпа түзүлөт. Мелдештин финалдык баскычына ар бир тайпанын жеңүүчүлөрү, ошондой эле экинчи орунду алган беш мыкты команда чыгат.
Чүчү кулак өтө турган датасы АФК тарабынан кийинчерээк жарыяланат.
Эске салсак, КР курама командасынын 2022-жылкы дүйнө чемпионатына тандоо оюндары борборлоштурулган форматы Японияда өткөн. Анда улуттук команда дүйнө биринчилигине чыга алган эмес.
Жаңылыктар түрмөгү
0
Алгач жаңыларыАлгач эскилери
loader